Bizdiń keıbir azamattarymyz ózderin "ultshylmyn" dep atap júr. Biraq sol "ultyshldar" Qazaq ultshyldyǵynyń negizin qalaǵan Alash Arystaryna kúıe jaǵý maqsatynda jaráılanǵan pikirdi ashyq qoldaıdy. Áleýmettik jelide Nýrlan Týrehanov degen kisi jarıalaǵan "Myrjakyp Dýlatov, ýlısa ego ımenı peresekaet Seıfýllına nıje Ryskýlova, poımal ı rasstrelál Amangaldy Imanova, kotoryı lejıt sleva ot Seıfýllına, blıje k Baıtýrsynový..." dep bastalatyn postta Alash arystaryna ashyqtan-ashyq kúıe jaǵylǵan. Osy pikirdi qoldap-qýattaýshylarǵa Tarıhshy, Qaıdar Aldajumanovtyń suhbatynan Amangeldi batyr ólimine qatysty úzindisin usynamyz:
***
"1928 jyly Stalın bastaǵan Sovet ókimeti búkil baılardy kámpeskeleý, eldi ujymdastyrý naýqanyn bastaıdy. Mine, osy naýqanǵa qarsy qarsy shyǵady-aý degen kózi ashyq adamdardy aldyn ala tutqyndap, túrmege jaýyp tastaıdy. Ahmet Baıtursynuly, Mirjaqyp Dýlatuly, Júsipbek Aımaýytuly, Myrzaǵazy Espolov bastaǵan Alash qaıratkerlerin ustap, túrmege jabady. Sonda olarǵa taǵylǵan basty aıptyń biri Amangeldiniń ólimi bolatyn.
Alashordaǵa qatysty 12 tomdyq tergeý isteriniń betterinde Mirjaqyp Dýlatovtyń óz qolymen orys tilinde jazyp bergen túsiniktemesi bar. "Men Amangeldi Imanovtyń ólimine kinálimin. Biraq tikeleı ony óltirgen men emes. Men jaýapkershiligimdi sezinemin. Óıtkeni, kúdikpen Amangeldini túrmege jaýyp qoıdyq. "Qostanaı jaqtan qyzyldardyń ótrády kele jatyr" degen habardy estigen soń men otrádtyń bir bóligin alyp, Torǵaıdan 30 shaqyrymdaı jerde solardyń aldynan shyqtym...",-dep jazady ol. Qysqasy, Amangeldi óltirilgen kezde Mirjaqyptar qalada bolmaǵan.
Amangeldini naqty kimniń óltirgeni belgili. Ol anyqtalǵan. Aspandıar Kenjın degen azamat kezinde Alashordanyń múshesi bolǵan. Torǵaıda "Alash" otrádynyń sharýashylyq jaǵyn basqarǵan. Keıinirek Sovet ókimeti tusynda İshki saýda halyq kommısary, Oqý-aǵartý halyq kommısary bolyp qyzmet istegen. 1938 jyly atylyp ketken. Sol Aspandıar Kenjınge qatysty muraǵatta birshama qujattar bar. Sonyń bireýi mashınkaǵa basylǵan, elý betten asady. Kezinde partıalyq tazalaýdan ótken Aspandıar Kenjın Búrkitáli Seısekenov degen adamnyń túrmeden súırep shyǵarylǵan Amangeldige pyshaq salyp óltirip, sosyn moınyna qyl shylbyr salyp, at quıryǵyna baılap jibergenin jazady.
Pikir qaldyrý