Joǵarǵy Úkimette orys tiliniń Ýkraınadaǵy bedeli men ony qorǵaý jónindegi ekonomıkalyq joba paıda boldy dep habarlaıdy dni.ru, málimettiń qazaqsha nusqasyn «Qamshy» portaly oqyrman nazaryna usynady.

Mundaı Ýkraına kútpegen jańalaqty «Opozısıalyq blok» fraksıasynyń depýtaty Evgenıı Balıskıı engizgen.   «Ýkraınadaǵy basqa tilder men orys tiliniń bedeli, memleket tarapynan qoldaý taýyp damytý jónindegi qujat» dep atalady. Depýtattar, shamamen, 2017 jyldyń 17 qańtarynan bastap qana bul zańǵa tolyǵymen kirise alady, sebebi ótken jetide barlyǵy qysqy demalysqa ketken eken.

Orys tili – Ýkraınadaǵy  ekinshi eń kóp taralǵan til, árbir úshinshi ýkraındyq ony ana tili retinde qabyldaıdy, Ýkraına halqynyń jartysynan kóbi orys tilinde taza sóıleıdi.

Orys tili – memlekettik til mártebesine ıe bolmaǵanymen, bul másele tóńireginde sońǵy jyldary kóp daý týyndaı bastaǵan.

2014 jyly Ýkraına bıligi aýysqannan soń, elden orys tilin tolyǵymen joıý maqsaty kózdelgen. Ýkraına prezıdenti Petr Proshenko orys tilin memlekettik til mártebesi, sonymen qatar, qoǵamdaǵy bedelinen aıyrý maqsatynda bar kúshin jumyldyrýda. Sońǵy eki jylda orys tilinde jazylǵan mańdaıshalar, jarnamalar, vokzal, metro, aeroporttaǵy habarlandyrýlar – barlyǵy alynyp, ýkraın tiline aýysqan, mektep oqýlyqtary jańadan jazylyp, kınolardyń barlyǵy memlekettik tilde dybystalatyn bolǵan.

Ýkraına eliniń jańa bıligi reseılik ártisterdiń de gastróldik saparmen kelýine tyıym salyp, qara tizimge jatatyn ánshilerdiń tizimin jasaǵan. Ol tizimge, tipti, Ýkraına elinde týyp-ósken Natasha Koroleva atty ánshi de enip ketken.

Orys tilin memleket tarapynan qoldap, qorǵaý búgingi tańda parlamenttiń mindetinen shyǵyp otyr. Osyǵan baılanysty Evgenıı Balıskıı usynǵan orys tilin qorǵaý jónindegi jobasy Joǵarǵy Úkimette qaralyp, qoldaý tappaýy ábden múmkin.

Aýdarǵan: Nazerke Labıhan