«Boko Haramnan» qashyp ketken jasóspirim: Bizge qyzdardy zorlaýdy úıretetin.
Nıgerıadaǵy «Boko Haram» atty ekstremıstik top jasóspirim balalardy urlap qana qoımaı, sol jerdegi balalarǵa qyzdar men áıelderdi zorlaýdy úıretedi eken. Bul jaıynda shet eldik tilshilerge sol toptan qashyp shyqqan 15 jastaǵy Ahmed atty bala aıtyp bergen dep habarlaıdy newsru.com, aqparattyń qazaqsha nusqasyn «Qamshy» portaly oqyrman nazaryna usynady.
Birneshe aı buryn óziniń týǵan qalasy Bagada júrgeninde «Boko Haram» tobynyń adamdary balany urlap ketip, Sambıs ormanyndaǵy ekstremıstik toptyń lagerine jetkizilgen. Sol jaqta balany jaýynger etip tárbıeleı bastaǵan. Eki aı ótkennen soń ózi sekildi jańadan qosylǵan birneshe balalarmen birge Gvoz qalasyna arnaıy tapsyrma berip jibergen, «áıelder men balalardy kepildikee ustap alyp kelińder, múmkindiginshe kóp adamdar ustańdar», - dep buıryq bergen.
Ahmedtiń aıtýynsha, bastyǵynyń ne nárseni meńzep turǵanyn túsindegen. Keıinnen ózderi sıaqty jasóspirimderdiń tapsyrmamen ketip, kepildikke alyp kelgen qyzdardy komandırleriniń qalaı zorlap jatqanyn kórýge májbúr bolǵandyǵy anyqtaldy.
«Qyzdar aıqaılap, kómekke shaqyryp jatty, biraq jaýyngerler olarǵa kóńil aýdarmady», - deıdi Ahmed. Keıde kepilde ustap otyrǵandarǵa qarý kezep te qorqytqan eken. Olardyń komandırleri: «qyzdar jas balalarǵa emes, úlken erkekterge arnalǵan» dep aıtady eken. Alaıda, bir soǵysta kóp jaýyngerler qaza tapqannan soń «Boko Haramnyń» jańa mısıalardy oryndaýǵa jasóspirimderdi jiberýden basqa amaldary qalmaǵan, al qyz balalardy motıvasıa berý úshin paıdalanǵan.
Ahmedtiń aıtýynsha, ózimen qatar birneshe balalar mundaı aılaǵa aldanyp qalǵan. Alaıda, Ahmedtiń ózi mundaı iske qyzyqpapty. Sol sebepti de, Gvoz qalasyna arnaıy tapsyrmamen jiberilgen jendetter tapsyrmany oryndap qaıtyp kele jatqan kezinde Ahmed oraıyn taýyp qashyp ketken. Bir ýaqytta kepildikke ustap otyrǵan qyzdardyń bir toby júk kódiginen sekirip túsip, ormanǵa qaraı qasha jónelgen. Ahmed sol qyzdardyń izine túsken syńaı tanytyp, «Boko Haramnan» qashyp qutylǵan.
Ahmedten bólek «Boko Haramnyń» lagerinde jaýyngerler qatarynda kámelet jasqa tolmaǵandar da kóp. Eki qyz ózderin kepildikke ustap alyp qashyp ketkennen soń, olardy kishkentaı balalardyń zorlaǵany jaıly tilshilerge málimdegen. Bireýi 13 jas shamasynda eken. Al qyzdyń jasy 16-da bolǵan, baladan ońaı qutylamyn dep oılaǵan qyz jasóspirimniń qolynda tapanshasy bolǵandyqtan qashyp kete almapty.
Aýdarǵan: Nazerke Labıhan
