AIaLAI BİL... 

Qazaq qyzy, erteń - jar, erteń - anań, aıaýlyń,

Túspegeni abzal ǵoı, júregine qaıaýdyń.

Qazaq qyzy, Ultyńnyń aınasy ǵoı, aınasy,

Búgin, ony qoldasań, erteń tıer paıdasy.

Qazaq qyzy, alaý gúl, jarqyraǵan kóktem ǵoı,

Júregine sulýdyń, dala gúlin ekken ǵoı.

 Qazaq qyzy, qashan da maqtanyshyń bolady,

Sulýlarmen jigittiń jany nurǵa tolady.

Qazaq qyzy, Ultyńnyń erteńi ǵoı, erteńi,

Qazaq qyzy, kórkem ol, ertegi ǵoı, ertegi!

Syılańdarshy sulýǵa, Jaqsylyqty aıamaı,

Qazaq qyzyn, aıalaı, bilińdershi, aıalaı!..

KÓKTEM SULÝ, KELEDİ...

...Aldym sondaı derekti,

Derek jáne kerekti.

Almatyǵa taıapty,

Kóktem arý jelekti.

Jolda deıdi, kesheli,

Sondaı sózder esedi.

Altyndatqan kúımemen,

Kele jatyr desedi.

«Aspandaǵy kún ,sulý»,

Dalamdaǵy gúl, sulý.

Altyndatqan kúımede

Otyr deıdi, bir sulý.

Sondaı kórkem jamaly,

Súıgen jandar, jaraly.

Onyń kórki, kórgendi

Múldem esten alady.

Jelk-jelk etip, jelegi,

Kele, sálem beredi,

Kóktem sulý, Qazaqtyń

Dalasyna keledi.

Qozyp barlyq delebe,

Ýaqyt, jyldam jele me?

Kóktem sulý, Qazaqqa,

Baqyt alyp kele me?..

«ASAÝǴA, TUSAÝ, KİM EKEN?..

Shynynda da, qyzdyń jany názik, á,

Dombyranyń ishegindeı jińishke.

Arýlarǵa júrmeıdi esh bazyna,

Sulýlardyń saǵan aıtar, syry ishte...

Bári málim, ol arýǵa syryńnyń,

Bere salǵan tabıǵattyń syıyna.

Bári jatyr, janarynda sulýdyń,

Tyryssa da, jasyrýy qıyn, á?

Bir-aq sátte, baı qylatyn jarlyny,

İrenjisseń, ol taǵdyrdyń sumdyǵy – Ý.

Sulýlardyń júreginde barlyǵy,

Al, qıyn-aý, ol jaqtaǵy syrdy uǵý.

Ol belgisiz, «tusaý bolǵan, asaýǵa»,

Ol belgisiz, ǵashyq bolǵan kim, kimge?

Biz Qazaqtyń arýlaryn qashan da,

Alaqanǵa salyp júrý, múmkin be?..

Jumash Kenebaı