Almatyda Uıymdasqan qylmystyq toppen kúres basqarmasynyń qyzmetkerleri áli dúnıege kele qoımaǵan sábıin týa sala satpaq bolǵan qyzylordalyq 22 jastaǵy anany ustady. Bul týraly qamshy.kz Almaty qalasynyń İİD baspasóz qyzmetine silteme jasaı otyryp habarlaıdy.

«Bizdiń tarapymyzdan muqıat tekserilgen aqparat rastaldy. Kishkentaı eki balasy bar ana úshinshi sábıin bosanbaı jatyp 2000 dollarǵa satýdy josparlaǵan. Tipti, bosanbaı jatyp satyp alýshydan jarty aqshasyn alǵan eken. Sóıtip, 4 kelilik ul bala bosanyp, josparyn júzege asyrmaq bolǵan  Seıfýllın kóshesindegi páterde ustaldy», -  dep habarlady Almaty qalalyq İİD Uıymdasqan qylmystyq toppen kúres basqarmasynyń bastyǵy Erlan Oralbekov.

Qyzylorda oblysynyń 1994 jylǵy týmasy kúıeýimen jáne taǵy eki balasymen jaldamaly páterde turǵan. Jumyssyz bolǵandyqtan jezókshelikpen aınalysyp kún kórgen.

Osylaısha, Balasyn satpaq bolǵan áıel QR Qylmystyq kodeksiniń 135-babynyń 1-bólimi boıynsha («Kámeletke tolmaǵandar saýdasy») qylmystyq jaýapkershilikke tartyldy. Al bala sábıler úıine tapsyryldy.