"Qamshy" portalynyń poshtasyna tanymal jýrnalıs Jumash Kókbóriniń "Orys emes, qul-qutandar qaýipti!" degen óleńi kelip tústi. Qordalanǵan másele qozǵalǵan dúnıeni oqyrman nazaryna usynamyz.

Lastap, laılap, sýy móldir sýatty,
Kók jaılaýdyń otyn taptap, sulapty...
Orysquldar armıasy bildirtpeı,
Qazaq Elin jaýlap alǵan sıaqty.

Teksizderdiń armıasy josylǵan,
Áńgúdikter oıyndary osylǵan...
Al, olarǵa Jaǵympazdar qosyny
Bir búıirden kómekke kep qosylǵan.

Shúldirbaılyq baıqalmaǵan túrinde,
Solar bılik quryp otyr búginde.
Uzaq jyldar otarlaǵan Qazaqty
Olar sóıler qojaıyndar tilinde.

Ata-baba tilin satyp baıyrǵy,
Ata-baba dinin satyp baıyrǵy,
Ol baıǵustar, qatyn almaı Qazaqtan,
Tapqan kóbi orman jaqtan qaıyndy...

Ultqa degen óshpendilik, naza bar,
Bógde tilde oqyp jáne jaza alar...
Otarlaýshy ulttan da asqan qatigez
Túri Qazaq – Qazaq dese, sazarar!

Ulttan shyqqan – teksizderdiń Teksizi,
Ulttan shyqqan – betsizderdiń betsizi!
Qazaqtardyń unamaıdy bet-júzi,
Unaǵanmen Qazaqtardyń et, tuzy...

Túsinikti, qul tilinde sózderi,
Sol quldarsha maltalaryn ezgeni...
Sezbeıdi olar Ulttyq aýyr qaıǵyny
Unamaıdy Qazaqtardyń ózderi.

Shetterinen bıik mansap kózdeıdi,
Qulsha sezip, Ultsha eshteńe sezbeıdi.
Ana qulsha sóılemeıtin sazaryp,
Qazaqtarǵa eshqashan da tózbeıdi.

Qulsha jáne basqa kóp til biledi,
Qazaqtarǵa tas bop qatqan júregi.
Arqa tutar olar áli Máskeýin,
Sonda kúnde ushyp baryp júredi.

Bular ras – tek solarǵa senedi,
Túsinikti, sebebi me, sebebi...
Teksiz bolyp týǵandary úshin de
Bizdeı «mámbet» qazaqtardy sógedi.

Qul-qutandaı tárbıesiz týar ma,
Deý sandyraq: «ata jolyn qýar ma?...»
Bizdiń Ulttyq tárbıeni qoıa tur,
Ulttyq namys, ar-uıat joq bularda.

Olar emes, «sen, Qazaqty» baǵatyn,
Qojaıyny, áne, arqaǵa qaǵatyn...
Biz osyndaı qasiretti Ult boldyq,
«İshten shyqqan jylandary» shaǵatyn.

Qaqqa bólgen Qazaq degen halyqty,
Bul shirkinder, bolmas ultqa aýypty.
Shynymdy aıtsam, keleshekte Qazaqqa
Orys emes, orysquldar qaýipti!!!

Jumash Kókbóri