76 jastaǵy ájeı ınsýlt alyp qulap qalǵan, onyń 5 jastaǵy nemeresi esh saspastan úlken kisilerdi kómekke shaqyryp, jedel járdem qyzmetine qońypaý shalyp, der kezinde kelip jetti.

Oqıǵa keshe, ıaǵnı 29 naýryz kúni túski ýaqytta oryn alǵan, dep habarlaıdy Ýstınka LIVE, málimettiń qazaqsha nusqasyn «Qamshy» portaly oqyrman nazaryna usynady.

Zeınetker Jamaltaı Makebaeva Úrjardan nemeresimen birge týstaryna qonaqqa kelgen. Ájesi men nemeresi úıde jalǵyz qalǵan ýaqytta aıaq astynan qart kisiniń densaýlyǵy nasharlap ketken. Qan qysymy kóterilip, oń aıaǵy men qoly istemı qalǵan. Bes jastaǵy Álıjan Qanatov esimdi balaqaı esh saspastan týystaryna qońyraý shalǵan, alaıda baılanysqa túse almaǵandyqtan, kóshege júgirip shyǵyp ary-beri ótip jatqan úlken kisilerdiń kómegine júgingen. Baqytyna oraı, balanyń aıqaılaǵan daýysyn kórshisi estip, dereý jedel járdem shaqyrǵan. Qazir qart ájeı aýrýhanada.

«Ájemizdiń mıyna qan quıylǵan eken. Dárigerlerdiń aıtýynsha, sál keshiksek ájemizden aıyrylady ekenbiz. Eger Álıjan bolmaǵanda ájemizdiń jaǵdaıy ne bolatynyn oılaǵym da kelmeıdi», - dep málimdedi ájeıdiń úlken nemeresi Madıar Qalıev.

Qazir ájeı aýrýhanada jatyr, densaýlyǵy qalypty jaǵdaıda. Al týystary bolashaqta Álıjannyń qutqarýshy bolǵandyǵyn qalaıdy.

Aýdarǵan: Nazerke Labıhan