Áleýmettik jelide jankúıerleri Kásipqoı boksta baq synap júrgen otandasymyz  Batyr Júkembaevti Golovkınnen asyp túsýi múmkin dep boljady dep habarlaıdy Qamshy.kz 

Batyr Júkembaev 29 qańtarda 8 raýndqa josparlanǵan jekpe-jekte meksıkalyq qarsylasyn 2,5 mınýtta nokaýtqa túsirgen bolatyn. Nátıjesinde osy kezdesýdiń qorytyndysy boıynsha otandasymyz «BoxRec» reıtıńinde 26 orynǵa joǵarylap, 91-orynnan kórindi.

25 jastaǵy qazaqstandyq boksshy Kanada jerinde segiz jekpe-jek ótkizip barlyǵynda jeńiske jetti. Onyń jeteýin ýaqytynan buryn aıaqtady. Sondaı-aq bir jekpe-jegi qarsylasynyń jaraqat alyp qalýyna baılanysty esepke alynbady. Batyr Júkembaevtiń laqap aty — «777»

Eskerte ketetin bolsaq, Qazaqstandyq kásipqoı boksshylar Batyr Júkembaev (8-0, 7KO) pen Abylaıhan Qusaıynov (5-0, 4KO) ózderiniń kelesi jekpe-jekterin 6-sáýir kúni Kanadanyń Kvebek qalasynda ótkizedi. Qarsylastarynyń esimderi ázirshe belgisiz. 6-sáýir kúni ótetin jekpe-jekte Batyr Júkembaev 10 raýndtyq, Abylaıhan Qusaıynov 6 raýndtyq kezdesý ótkizedi dep josparlanǵan.