Qytaı Halyq Respýblıkasyna jasaǵan jumys sapary aıasynda QR Premer-mınıstriniń orynbasary – Aýyl sharýashylyǵy mınıstri Asqar Myrzahmetov QHR-dyń bıznes qaýymdastyǵy ókilderimen kezdesti.

Kezdesý barysynda Jibek joly qorymen «QazAgro» holdıńiniń aýyl sharýashylyǵy shıkizatyn qaıta óńdeý jobalaryn qarjylandyrý boıynsha ózara baılanysy, «CCIC «China Certification & Inspection Group» tobynyń aýyl sharýashylyǵy ónimderi men kásiporyndaryn sertıfıkattaýy máseleleri qaraldy.

Wilmart, CITIC jáne COFCO syndy transulttyq 8 qytaılyq kompanıa ókilderimen aýyl sharýashylyǵy ónimderin qaıta óńdeý jobalaryn qarjylandyrýdy talqylaý barysynda A.Myrzahmetov AÓK-ke qatysty memleket saıasatynyń basym baǵyttaryn jáne Qazaqstandaǵy ınvestısıalyq ortany jaqsartýdyń jańa ádistemesin túsindirdi. Sonymen qatar, «China National Machinery IMP&EXP Corp» korporasıasymen a.j. mamyrda Almatyda aýyl sharýashylyǵy mashınalaryna arnalǵan kórme uıymdastyrý jáne el aýmaǵynda mashına jasaý jáne jabdyqtaý zaýyttaryn salý boıynsha kelissózder júrgizildi.

Qytaılyq kásipkerlermen kezdesý sońynda «Azyq-túlik kelisim shart korporasıasy» UK» aksıonerlik qoǵamymen  «Asia Pacific Food Capital Co., Ltd.» jáne «Wilmart» kompanıalary arasynda ózara yntymaqtastyq jáne saýda boıynsha kelisimshartqa qol qoıý saltanaty bolyp ótti.

Aıta keteıik, A.Myrzahmetov buǵan deıin QHR Sapany qadaǵalaý, ınspeksıa jáne karantın jónindegi bas basqarmasy tóraǵasy Chjı Shýpın jáne QHR Aýyl sharýashylyǵy mınıstri Han Chanfýmen kezdesken edi. Ol júzdesýlerdiń nátıjesinde kórshiles elge eksporttalatyn bıdaı kebegi partıalaryna qoıylatyn ınspeksıa, karantın jáne sanıtarlyq talaptar týraly Hattamaǵa qol qoıylyp, aýyl sharýashylyǵy tehnologıasy transferti men ǵylymı-tehnıkalyq yntymaqtastyq jónindegi vedomstvalar aralyq jumys tobyn jasaqtaý Ortalyq Azıa aımaǵy úshin seleksıalyq-genetıkalyq ortalyq qurý máseleleri nazarǵa alyndy.