31 naýryz kúni «Azamattyq bastamalardy qoldaý ortalyǵy» (ary qaraı – ABQO) memlekettik granttarǵa ıe bolǵan úkimettik emes uıymdarmen áleýmettik jobalardy iske asyrý boıynsha kelisimge qol qoıdy. Ol jaıynda ABQO Basqarma Tóraǵasy Nurlan Óteshev málimdedi.
Áleýmettik mańyzy bar jumystardy iske asyrý úshin 11 baǵyt boıynsha 42 joba memlekettik qoldaýǵa ıe boldy. Granttar boıynsha jumys aǵymdaǵy jyldyń sońyna deıin jalǵasady. Konkýrs nátıjeleri 14 naýryzda jarıalanǵan bolatyn. Ol týraly Nurlan Óteshev aıtyp berdi: «Sheshim shyǵarylǵan kúnnen keıin ABQO kúntizbelik jospar men qarjy kólemi jaıynda aıqyndaý jumystaryn júrgizdi. Árbir joba qoǵam úshin mańyzdy jáne biz, azamattyq sektor retinde, atalmysh jobalardyń sapaly iske asýyna múddelimiz. Jeńimpazdar qatarynda «Jas Ulan» biryńǵaı jastar men balalar uıymy, «Qazaqstannyń isker áıelderi qaýymdastyǵy» qoǵamdyq birlestigi syndy respýblıkalyq uıymdarmen qatar aımaqtyq uıymdar bar. Sondaı-aq, sarapshylyq komısıa usynysy boıynsha qazirgi ýaqytta qoǵamdyq monıtorıńti júrgizý men onyń nátıjesi boıynsha esep berý ádistemesi jasalynyp jatyr. Biz úkimettik emes uıymdardyń osy másele boıynsha usynystaryn talqylaýǵa ázirmiz».
Granttyq qarjylandyrýǵa ıe bolǵan uıym jetekshileriniń biri Olga Ryl bul júıeniń basymdyqtaryna nazar aýdardy: «Granttyq mehanızmder jobalarǵa olardyń tıimdiligi men sapasyna nazar aýdaryp, qarajattyń kólemine qaramastan jeńimpaz atanýǵa múmkindik beredi. Bul júıede jeńimpaz ataný úshin dempıń jasap qajet emes. Sonymen qatar, granttyq qarajattyń 10%-yn úkimettik emes uıymnyń ınstıtýsıonaldy damýyna jumsaýǵa bolady. Bul granttyq qarjylandyrý júıesiniń taǵy da bir basymdyǵy bolyp tabylady».
ABQO ókilderi jobalardyń iske asyrylýy BAQ betterinde turaqty jarıalanyp otyratyndyǵyna kepildik berdi.
Esterińizge sala keteıik, «Azamattyq bastamalardy qoldaý ortalyǵy» 2016 jyldyń aqpan aıynda qurylǵan bolatyn. Ortalyqtyń basty mindeti memlekettik emes uıymdarǵa grant bólý men olardyń iske asyrylýyna monıtorıń júrgizý bolyp tabylady. Alaıda, ABQO jeńimpazdardy ózdiginen anyqtamaıdy, jeńimpazdar sarapshylyq komısıa otyrysynda anyqtalady. Aǵymdaǵy jyly uıym 556 mln teńgege jýyq qarajat bólingen bolatyn. Alaıda, 5 taqyryp boıynsha qabyldanǵan ótinishterdiń tómen sapasyna baılanysty jeńimpazdar anyqtalǵan joq.
ÚEU-dy qoǵamdyq monıtorıń júrgizýge shaqyramyz.
