Sankt-Peterbýrg metrosynda jarylys boldy dep habarlaıdy qamshy.kz.

Búgin Sankt-Peterbýrg qalasyndaǵy metro stansıasynda jarylys boldy. Derekterge sáıkes, metro vagondarynyń biri jarylyp, 10 adam qaza tapqan. Birinshi jarylys Sennaıa alańynda bolǵan, al ekinshisi Tehnologıalyq Ýnıversıtettiń janynda oryn aldy. Sennaıa alańy qalanyń ortalyǵy bolyp tabylady.

Aıta keter bolsaq, Peterbýrg metrolary óte tereńde ornalasqan.

Dál qazir metrodaǵy jolaýshylardy qutqarý sharalary júrgizilip jatyr. Jarylystyń dál qaı ýaqytta bolǵany belgisiz, kýágerlerdiń aıtýynsha, jarty saǵat buryn bolǵan. Jaralanǵan adamdardyń sany óte kóp, qaıtys bolǵan adamdardyń sany ázirge 10.

Búgin RF prezıdenti Vladımır Pýtın Sankt Peterbýrgqa baryp tilshilermen kezdesip, keıinnen Belarýsıa prezıdenti Aleksandr Lýkashenkomen resmı kezdesý ótkizý kerek bolatyn.

Sankt-Peterbýrg metrosynda aldymen eki jarylys boldy dese, keıinnen bir stansıasynda jarylys bolǵany anyqtaldy. Mundaı málimdemeni jergilikti BAQ habarlady. Saladarynan 10 adam kóz jumyp, 20 adam jaralandy. Qazir adamdardy evakýasıalaý jumystary júrgizilip jatyr. Barlyq terakti belgileri bar dep habarlaıdy jergilikti BAQ.

Jedel járdem, polıseıler men qutqarýshy top oqıǵa ornyna kelip úlgerdi.

8 metro stansıasy jabyldy. Interfakstyń habarlaýynsha birneshe vagon zaqymdandy.