Ortalyq komýnıkasıalar qyzmetinde 2017 jyly kóktemgi egis jumystaryn júrgizý úshin qazaqstandyq aýyl sharýashylyǵy taýarlaryn óndirýshilerdi baǵasy jeńildetilgen dızel otynymen qamtamasyz etý máselesine arnalǵan brıfıń ótkizildi.
İs-sharaǵa energetıka vıse-mınıstri Áset Maǵaýov, «QazMunaıGaz Ónimderi» JSHS operasıalyq basqarý boıynsha Bas dırektordyń orynbasary Nurken Myrzaǵalıev jáne «Gelıos» JSHS Logıstıka jónindegi dırektory Artýr Nam qatysty.
QR Aýyl sharýashylyǵy mınıstrligi jyl saıyn oblys ákimdikterimen birlesip, aýyl sharýashylyǵy taýarlaryn óndirýshilerge qajetti kólemdi anyqtaıdy jáne QR Energetıka mınıstrligine egis jáne egisti jınaý jumystaryn júrgizýge arnalǵan ASHTÓ úshin dızeldik otyndy jetkizý kólemi týraly usynystardy engizedi.
Qazirgi kezde QR Energetıka mınıstrligi QR Aýyl sharýashylyǵy mınıstrligimen birlesip «Kóktemgi egis jumystaryna dızeldik otyndy jetkizý boıynsha Munaı óńdeý zaýyttaryna (MÓZ) oblystardy bekitip berý kestesin» bekitti.
Bekitilgen Keste QR Aýyl sharýashylyǵy mınıstrligi atynan oblys ákimdikteriniń aýyl sharýashylyǵy basqarmalaryna jáne QR Energetıka mınıstrligi atynan resýrs ustaýshylarǵa jiberildi.
Oblys ákimdikteriniń aýyl sharýashylyǵy basqarmalary óz deńgeılerinde operatorlardy anyqtaıdy.
Kóktemgi egis jumystaryna qatysty bekitilgen Dızeldik otyndy jetkizý kestesi sheńberinde 2017 jylǵy egis jumystaryna ASHTÓ-ge 375 myń tonna dızeldik otyn bólindi, onyń ishinde Atyraý MÓZ 79,0 myń. tonna, Pavlodar munaı-hımıa zaýyty 233 myń tonna jáne PKOP 63,0 myń tonna bólgendigin atap ótken jón.
