Bul týraly Ortalyq komýnıkasıalar qyzmetinde ótken baspasóz máslıhatynda Majarstannyń QR Tótenshe jáne Ókiletti Elshisi Andrash Baranı málim etti.
«Búgin Ortalyq jáne Shyǵys Eýropadaǵy eń iri loý-kost áýe tasymaldaýyshysy Wizz Air áýekompanıasy Astana jáne Majarstannyń elordasy Býdapesht arasyndaǵy jańa áýeqatynas jolynyń iske qosylatyndyǵyn jarıalady. Jańa áýeqatynas joly maýsym aıynyń 8-shi juldyzynda iske qosylady jáne aptada eki ret, beısenbi jáne jeksenbi kúnderinde jumys isteıtin bolady. Astana-Býdapesht áýebıletteri qazirdiń ózinde satylýda. Olardy tikeleı wizzair.com saıtynda 39,99 evrodan bastalatyn baǵalar boıynsha satyp alýǵa bolady» dedi ol.
Majarstan «Wizz Air Hungary Ltd» áýekompanıasynyń komýnıkasıalar bóliminiń basshysy Tamara Valýa bolsa atalǵan áýereısi eki el arasyndaǵy tatýlyqty nyǵaıta túserine senim bildirdi.
«Astana-Býdapesht baǵytynyń ashylýy Wizz Air kompanıasy úshin aıtýly oqıǵa dep eseptelenedi óıtkeni bul bizdiń áýekompanıamyzdyń Qazaqstandaǵy debúti. Sondaı-aq bul baǵyt Qazaqstandy Eýropa Odaǵymen birinshi loý-kost áýeqatynas jolymen qamtamasyz etedi. Biz baǵdarly torabymyzdyń ári qaraı damyýyna, jańa jumys oryndaryn qalyptastyrýyna jáne bızensti damytýǵa senimdimiz. Bizdiń Astana-Býdapesht áýeqatynas jolymyz eki eldiń arasyndaǵy týrızm jáne bıznes jónindegi qarym-qatynastardy yntalandyryp sheteldik qonaqtar úshin EXPO-2017 kórmesine qatysýynyń jeńil jáne qymbat emes tásilin ashady. Biz Majarstan jáne Qazaqstan úkimetterine áýebaǵyttyń júzege asýy barysynda kórsetken qoldaýlary úshin alǵysymyzdy aıtamyz jáne qurmetti jolaýshylardy áýekemelerimizdiń bortynda taǵatsyzdana kútemiz» dedi ol.
Aıta ketetin taǵy bir jaıt, «Wizz Air» Ortalyq jáne Shyǵys Eýropadaǵy eń iri loý-kost áýe tasymaldaýyshysy bolyp tabylady. Áýekompanıanyń flotyn Airbus A320 jáne A321 túrli 79 ushaq quraıdy. Avıasıa salasyndaǵy mamandandyrylǵan jetekshi basylymdardyń biri «Air Transport World» habary boıynsha Wizz Air 2016 jyldyń «Eń úzdik áýekompanıasy» bolyp tabylǵan.
