SQO ákimdiginde ótken  vedomstvoaralyq komısıanyń otyrysy barysynda quqyqbuzýshylyqtyń aldyn alýǵa arnalǵan másele talqylandy. «Jasóspirim» jedel-aldyn alý sharasyn ótkizýdiń qorytyndysy jaıynda SQO İİD jergilikti polısıa qyzmetiniń bastyǵy Qanat Aıtbaev baıandady.

        Qazirgi ýaqytta Soltústik Qazaqstan oblysy aýmaǵyndaǵy«Jasóspirim» jedel-aldyn alý sharasyna 462 polısıa qyzmetkeri, 87 bilim, 19 densaýlyq saqtaý salasynyń  ókilderi, 16 prokýratýra  qyzmetkerleri, 13 «Nur Otan» partıasy ókilderi   jumyldyrylǵan.

       «Jedel-aldyn alý sharasyn ótkizý kezinde ishki ister organdaryna 383 kámeletke jasy tolmaǵan bala jetkizildi, onyń 1-ýi qylmys jasaǵany úshin, 55-i – ákimshilik quqyq buzǵany úshin, 217-si – baqylaýsyz jáne qadaǵalaýsyz júrgeni úshin. Osy kezeńde 429 quqyq buzýshylyq anyqtaldy, onyń 33-in kámeletke jasy tolmaǵandar jasaǵan»,- dedi Qanat Aıtbaev.

       Oblys ákimi Qumar Aqsaqalov polısıa qyzmeti jergilikti atqarýshy organdarmen  jumysty kúsheıte túsýi kerektigin aıtty.

       «Qoǵamdyq tártipke beı-jaı qaramaıtyn jáne soǵan jany ashıtyn bıznesmender men qoǵamdyq uıymdardyń ókilderi bar. Qylmys jasaýǵa beıim táýekel aımaqtarda turatyn jetkinshekter de kezdesedi. Olardy arnaıy mektepke deıin jetkizbeı, sabaqtan keıin  bos bolmaıtyndaı  istermen qamtyp, olarmen jumys isteý kerek. Olardyń mektepten keıin nemen aınalysatynyn, balalardyń jumysbastylyq paıyzyn bilý qajet»,- dedi óńir basshysy.         

       Sol sıaqty otyrys barysynda M.Jumabaev jáne Jambyd aýdandarynyń ákimderi quqyq buzýshylyqtyń aldyn alý boıynsha jergilikti atqarýshy organdardyń atqaryp jatqan sharalary jaıynda aqparat berdi.