Oblystyq ákimdikte óńir basshysy Qumar Aqsaqalovtyń tóraǵalyǵymen jemqorlyqqa qarsy kúres máseleleri boıynsha vedomstvoaralyq komısıanyń otyrysy ótti. Májilis barysynda jer qatynastary salasynda jemqorlyqqa qarsy zańnamany saqtaý, rýhanı-adamgershilik jáne azamattyq-patrıottyq tárbıege baılanysty oqýshylar arasynda jemqorlyqqa qarsy mádenıetti qalyptastyrý boıynsha qoldanylyp jatqan sharalar talqylandy.
Otyrysta oblystyq jer qatynastary basqarmasynyń basshysy Esengeldi Káribaev birinshi bolyp sóz sóıledi. Ol 2016 jyly oblystyq jer komısıasy 6 otyrys ótkizip, onda jer ýchaskelerin berý týraly 21 ótinish qaralǵanyn, olardyń 17-si qanaǵattandyrylyp, 4-ýi qabyldanbaǵanyn atap aıtty.
«Qazirgi kezde jer máselesi eń mańyzdylardyń biri sanalady. Osy maqsatta QR Aýyl sharýashylyǵy mınıstri jer reformasy máselesi boıynsha túsindirý jumystarynyń respýblıkalyq josparyn bekitti, sonyń negizinde Óńirlik jospar jasaldy. Jospardy oryndaý úshin oblystyń aýdandarynda jumys toptary quryldy, olar turǵyndardyń arasynda jer zańnamasyn túsindirýmen aınalysatyn bolady»,- dedi Esengeldi Káribaev.
Baıandamany tyńdaı kele, Qumar Aqsaqalov turǵyndar men basqarma jumysy arasynda móldirlikti qamtamasyz etý úshin, qoǵamdyq baqylaý jumysyn kúsheıtýge arnalǵan tetik ázirleýdi tapsyrdy.
«Jer qatynastary osy ýaqytqa deıin áskerı qupıa sıaqty. Men aýdan ákimderiniń saıttaryn qaradym, olarda aqparat óte az, qoljetimdiligi de shamaly. Kim, qashan jer alǵanyn, kelesi kezekte kim ekendigin adamdar bilýi tıis. Sol sıaqty jer bólýmen aınalysatyndardy, mysaly- bólim basshylaryn tekserý kerek. Jerdiń ári qaraı bólinýi keıde solarǵa baılanysty. Olardyń jumysyn qaraý qajet»,- dedi Qumar İrgebaıuly.
Bilim basqarmasy basshysynyń orynbasary Vladımır Tkachenko rýhanı-adamgershilik jáne azamattyq-patrıottyq tárbıege baılanysty oqýshylar arasynda jemqorlyqqa qarsy mádenıetti qalyptastyrý boıynsha qoldanylyp jatqan sharalar jaıynda baıandady. .
Pándik kýrstardy oqý barysynda qazaqstandyq patrıotızm rýhynda jeke tulǵany tárbıeleýge, jemqorlyqty qabyldamaýǵa, jemqorlyqqa qarsy mádenıetti qalyptastyrýǵa erekshe kóńil bólinedi.
«2016 jyldyń qańtar aıynan bastap jalpy bilim beretin 440 erikti «Adal urpaq» mektep klýbtary jáne «Parasatty azamat» buryshtary quryldy. Erikti «Adal urpaq» mektep klýbtarynyń negizgi maqsaty - mektepte jemqorlyqqa qarsy mádenıetti qalyptastyrý, jemqorlyqqa baılanysty tózbeýshilikti nyǵaıtýǵa arnalǵan bastamalardy madaqtaý, jemqorlyqqa qarsy sharalardy uıymdastyrýǵa qatysý»,- dedi Vladımır Tkachenko.
Óńir basshysy Qumar Aqsaqalov osy baǵytta uıymdastyrylǵan barlyq sharalarǵa oqýshylar men jasóspirimderdi durys qyzyqtyra bilý kerektigin atap kórseti.
«Bizdiń barlyq jumysymyzdyń áseri, nátıjesi teorıa júzinde emes, naqty kórinýge tıis. Kez kelgen leksıa aqshaǵa oqylady. Sizderdiń qyzmet aıalaryń keń dep esepteımin. Memleket basshysynyń bastamalary jastar, qoǵamdyq jáne oqýshylar arasynda ótkizilgeni jáne júzege asyrylǵany óte mańyzdy»,- dep naqtylady
