Semeıdiń 24 jastaǵy turǵyny aqyrzamannyń kelgenin aıtady. Jas kóripkel Arystanbektiń kózi qıandy kóretin tárizdi. Jas jigit hazireti Paıǵambarymyzdyń (s.ǵ.s.) hadısterine súıengenimen, onyń sózine eshkim senbeı otyr, dep habarlaıdy nur.kz portaly.

Jas jigit óz sózine mynandaı dálelder keltiredi:

«Aqyrzaman kelip qoıdy. Mysaly, ózderin Allanyń elshisimin deıtinder júr ortamyzda. Qoǵamda zına jasaýshylar da kóp. Bizge bilinbegenimen áıelderdiń sany erkekterden álde qaıda artyp barady. Álemde zilzalalar bolyp jatyr. Ókinishke oraı, jastarymyz adasyp ketti. Naǵyz ıslamnyń qudiretin sezine almaı júr. Bizdiń dinimiz ıslamdy jik-jikke bólýdi quptamaıdy. Musylman balasy meıirimdilikti, kishpeıildilikti jany súıedi. Bireýdi adam óltirýge úgittemeıdi. Munyń barlyǵy aqyrzamannyń kishi belgilerinen de keltirilgen. Endi, oılanyp kórińiz, qıamet jetti me, jetpedi me?», - deıdi Arystanbek.

Onyń aıtýynsha, paraqorlardyń kóbeıýi de aqyrzamannyń sharty eken. Sondaı-aq, adamdar arasynda túrli jaıttar oryn ala bastaǵan. Qurandy áshekeıleýdiń saldarynan arýaqtar tirilgen kórinedi.

«Ol sizge kórinbeıdi. Men túrli dybystar estımin. Arýaqtardyń jer betine qaıta shyqqanyn kóremin. Qazir olar bizben birge ómir súrip jatyr. Nege deısiz ǵoı? Sebebi, biz týystyq qatynastyń ne ekenin umytyp kettik. Olar soǵan kúńirenedi. Aqyrzamannyń kelgenin sezip jatyr. Tóńirekte záýlim úıler qaptap tur. Áıelder bastyqtarynyń qoınynda jatyr. Bireýge senip, eshteńe aıta almaıtyn zaman boldy. Birimizdi birimiz aldaımyz», - deıdi Arystanbek.

Sondaı-aq, ol qıamet kúnniń sońǵy belgisi dajjaldyń da jetkenin aıtyp otyr. Búginde, ózin halyqqa qudaımyn dep tanystyra bastaǵan. Adam balasyn sanasyn ýlap, adastyryp júr eken.

«Onyń jeńiske jetýine sál ǵana qaldy. Sol mezette kún batqan jerinen qaıta shyǵady», - deıdi Arystanbek.