Astana irgesindegi Qosshy aýylyn sý basýy múmkin dep habarlaıdy Qamshy AA «Astana» arnasynda shyqqan Eldos Saparǵalıdyń sújetine silteme jasaı otyryp. Bul sınoptıkterdiń boljamy.
«Astana» telearnasyna bergen suhbatynda gıdrologıa departamentiniń dırektory Dıdar Jánibekuly osyndaı málimdeme jasady. Al óńirlerde qyzyl sýdan zadrap shekken turǵyndar jappaı qaýipsiz aımaqqa kóshirilýde.
Dıdar Jánibekuly, RMK «Qazgıdromet» gıdrologıa departamentiniń dırektory: Qosshyǵa qaýip tónip tur. Astanaǵa jetpeı, Nura ózeni arnasynan shyǵýy múmkin. Barlyǵy Qaraǵandydaǵy sý qoımasynyń jumys tártibine baılanysty. Oǵan qosa Nuraǵa Qosshyǵa deıin orta joldan qosymsha erigen qar sýlary qosylýy múmkin. Búgin Aqmola oblysyna Pavlodardan qosymsha kúsh tartylǵan. Olar apattyń aldyn alýǵa at salyspaq. Al Atbasarda jarylǵan dambanyń jyry áli bitken joq. Aýdan ákimi İshki ister vıse-mınıstri Ilá Ilınniń aqparatyn joqqa shyǵardy. 200 mıllıonǵa salynǵany damba emes, topyraqtan jasalǵan bóget. Al jumsalǵan qarjy 150 mıllıon ekenin málimdedi.
Andreı Nıkıshev, Atbasar aýdanynyń ákimi: Ilın, ondaı málimdeme jasamas buryn, bul dambany ózi kózimen kórý kerek edi. 2016 jyly sýdan qorǵaný úshin bes metrlik topyraq úıildi. Oǵan 63 mıllıon jumsalǵan bolatyn. Ótken jylǵy tasqynnyń saldaryn joıý úshin 23 mıllıon bólindi. Sol 8 shaqyrymdyq bógetti nyǵyzdap, bekitý úshin 95 mıllıon teńge jumsaldy. Jobalyq smetalyq qujatta "damba" dep kórsetilmegen. Al Qostanaı oblysynda tasqyn kezinde 3 adam qaza boldy degen aqparatty resmı organdar rastamady. Qazir aımaqta eki birdeı komısıa qurylǵan. Buzylǵan úıler men qyrylǵan maldyń shyǵynyn jergilikti bılik ótemek.
Sergeı Karplúk, Qostanaı oblysy ákiminiń orynbasary: Oblys ákimi tasqyn kezinde qyrylǵan tórt túliktiń ótemaqysyn tóleý týraly sheshim shyǵardy. Qyrylǵan mal men qıraǵan úılerdiń shyǵynyn esepteý úshin 2 komısıa quryldy. Osy jumys toptary tasqynan kelgen shyǵyndy túgel anyqtaıtyn bolady. Qazirgi málimetke sáıkes, tek Qarasý aýdany boıynsha 47 úıdi qyzyl sý basqan. Eger aýyl turǵyny úıimdi jóndeımin dese, aqsha beriledi. Basqa baspana alǵysy keletinderge de qarajat qarastyrylyp otyr. Búginde oraldyqtar da tasqyn sýǵa qalmaýǵa qamdanyp jatyr. Reseı sý qoımasynan kele jatqan sý Jaıyq arnasyn 7 metrge kóterýi múmkin. Sondyqtan saıajaı turǵyndary kóship álek. 48 panalaý beketi ashylyp, jurt baǵaly dúnıelerin tasyp jatyr. Qalǵan dúnıe-múlikterine kúzet qoıylmaq. Bılik ókilderi ıt-mysyqty da qamqorlyqtaryna alýǵa ýáde berdi.
Narıman Tóreǵalıeva, Oral qalasynyń ákimi: Saqtyqta qorlyq joq deıdi, sondyqtan bárimiz saq bolýymyz kerek. Urlyqtan qoryqpańyzdar. Taýyqtardy, myna kórshi Podstepnyıda tanystaryńyz bolsa, sol jerge. Eger naǵyz joq bolsa, biz qazir bir sharýa qojalyǵymen kelisip jatyrmyz, eger maly bar kisi bolsa, soǵan biz ýaqytsha aparyp qoıa alamyz. Qazir Qaraǵandy, Aqmola, Soltústik Qazaqstan, Qostanaı, Pavlodar, Aqtóbe jáne Shyǵys Qazaqstan oblystarynda 52 aýyldy sý basqan. Topan sý 120 joldy shaıyp, qazir jartysy qalpyna keltirilgen.
