WBO Intercontinental jáne WBA Fedelatin tıtýldaryn ıemdengen orta salmaqtaǵy qazaqstandyq boksshy Qanat Islam óziniń aldyǵy maqsatymen bólisti, dep jazady Qamshy aqparattyq agenttigi.

«Men myqty qarsylastarmen jekpe-jekke shyǵýdy qalaımyn.  Kez kelgen chempıonmen judyryqtasýǵa daıynmyn. Bokspen aınalysqanyma 25 jyl boldy. Olımpıada oıyndaryna eki márte qatysyp qola medal aldym, sondaı-aq áýesqoılyq deńgeıdegi álem chempıonatynda jeńiske jettim. Qazir jas boksshy emespin. Professıonaldy bokstaǵy 5 jylym álem chempıonatyndaǵy tıtýlǵa talasý úshin jetip jatyr.

Men «Kanelo», Kotto, Laro jáne Pakáomen judyryqtasqym keledi. Bul meniń armanym emes, maqsatym. Búgingi kúni maqsatyma jetý úshin talmaı-tynbaı jattyǵyp júrmin jáne bul boksshylardy erekshe qadirleımin, sebebi myńdaǵan boksshylardyń arasynda álem chempıony ataný ońaı sharýa emes. Óz memlekteiniń abyroıy úshin ter tókken ár azamatty syılaımyn. Olardyń biri dál men sekildi adam ǵoı» dedi Qanat Islam  Worldboxingnews.net tilshisine bergen suhbatynda.

Osydan buryn boksshy óziniń kelesi jekpe-jegi AQSH-ta mamyr aıynda ótetinin aıtqan.

Eske sala keteıik, sońǵy ret 18 aqpanda Ýılmıngton qalasynda Qanat Islam brazılıalyq Robson Assıspen kezdesip, Robsondy nokaýtpen jeńgen. Sol kezdiń ózinde Reseı klmentatory Qanattyń «Kanelo», Lara syndy boksshylarmen judyryqtasatyn dárejege jetkenin aıtqan.