Mońǵolıa sársenbi kúni tuńǵysh spýtnıgin ǵaryshqa ushyrdy. Bul týraly Qamshy AA habarlaıdy. Habar agenttiginiń jazýynsha «Osydan on jyl buryn negizi qalanǵan jobany aıaǵyna deıin jetkizdik. Bul – bolashaqqa jasalǵan tarıhı qadam. Biz Mońǵolıanyń óziniń tuńǵysh spýtnıgin ǵaryshqa ushyryp otyrǵanyn maqtan etemiz», – dep málimdegen Mońǵolıanyń Uly memlekettik hýraldyń tóraǵasy Mıeegombyn Enhbold.
Mońǵolıa parlamentiniń saıtynda spýtnıkke Mongol Sat-1 degen ataý berilgendigi jáne elde telehabar, telekomýnıkasıa men keń aýqymdy habar taratý múmkindigin keńeıtýge jol ashatyndyǵy aıtylǵan. Spýtnıktik bul joba Asia Broadcast Satellite (ABS) operatorymen birlese otyryp júzege asqan.
