Kesheli beri áleýmettik jelilerde sý tasqyny saldarynan dalada qalǵan 4-synyp oqýshysy Mahabbat Eshımovanyń aıanyshty taǵdyry qyzý talqyǵa túsip jatyr. Qoǵamdyq rezonans týdyrǵan vıdeorolıkte 10 jasar qyz Mahambet aýylyndaǵy úıin sý basyp qalyp, mektepke kıetin kıimderi men oqýlyqtary qalyp qoıǵandyǵyn ashyna aıtady.
Atalǵan vıdeo jarıalana salysymen qala bıligi jedel áreket etip, Mahabbat pen onyń anasy Turǵangúl Eshımova qazirgi tańda ýaqytsha turyp jatqan №40 mektepke baryp qaıtty dep habarlaıdy Qamshy AA Baq.kz-ke silteme jasaı otyryp. Balanyń ótinish-aryzyn qala ákiminiń orynbasary Lázzat Orazbaevanyń ózi tyńdady.
Aıta keteıik, tasqynnan zardap shekken ózge otbasylardyń balalary sekildi bul oqýshy da mektepke qajetti barlyq qural-jabdyqpen jáne oqýlyqpen qamtamasyz etildi.
