Qazaqstandaǵy alǵashqy spýtnıktik «Caspionet» telearnasynyń qurylǵanyna 8 jyl boldy.  Kaspıı  arqyly rempýblıkamyzdy álem jurtshylyǵyna  tanytyp kele jatqan arnanyń Eýropa men Orta Azıada, Ortalyq Shyǵysta, Afrıkanyń soltústik jáne Reseıdiń eýropalyq bóliginde turatyn 99 mıllıondaı kórermendi aqparatpen qamtýǵa múmkindigi mol.  Óz jumysyn 2002 jyldyń 25 qazanynda bastaǵan «Caspionet»  telearnasy búgingi tańda sheteldegi qandas aǵaıyndar men qazaq mádenıetin, dástúrin, tarıhyn qurmetteıtin syrttaǵy otandastarymyzǵa tanymdyq, aqparattyq jáne mádenı baǵdarlamalarymen etene tanys.  

  Atalmysh arnada  ár túrli  salaǵa baǵyttalǵan telejýrnaldar daıyndalady. Olar – «Regional Focus», (Aımaqtaǵy aqparattar)«Culture», (Mádenıet)  «Portraits», (Tulǵa) «International Dialogue» (Ultaralyq dıalog) «History», (Tarıh) «Occupations» (Mamandyq) sekildi  turaqty aıdarlarmen beriletin shaǵyn habarlar. Munan bólek, jańalyqtar, bıznes jańalyqtar, sport baǵdarlamalar ýaqytynda jurtshylyq nazaryna usynylyp otyrady.      

        Osy oraıda birneshe baǵdarlamalarǵa toqtala ketsek,  tarıhy tereńnen tamyr tartqan «Atameken» baǵdarlamasy –kórermen qaýymdy eki jyldan beri ulttyq salt-dástúr, mádenıetimizben sýsyndatyp keledi. «CELEBRITY WORLD»  (Juldyzdar álemi) –  ártister týraly, olardyń shyǵarmashylyǵy, jeke ómiri jaıynda áńgimelese, «KAZAKHSTAN: A RECIPE FOR FRIENDSHIP» (Qazaqstan: dostyq  pen kelisim formý­lasy) – kóp ultty memleketimizde turatyn halyqtardyń dástúrleri men salttary týraly tushymdy málimet beredi. Al «Caspionet»  ǵaryshtyq arnasynyń jańa maýsymǵa josparlap otyrǵan jańalyqtary jóninde  telearna dırektory  Aıgúl Muratqyzy Jumabaeva bylaı deıdi.

     - Elimizdiń  aqıqatqa negizdelgen ımıjin qalyptastyrý úshin bizdiń mindet – respýblıkada bolyp jatqan ishki ekonomıkalyq, saıası jańalyqtardy jáne álemdik qoǵamdastyqqa  Qazaqstan tarapynan usynylyp jatqan túrli jobalar men ıdeıalardy ekijaqty shynaıy aqparattarmen qalyń kórermendi  habardar etý. Sondaı-aq baǵdarlamalar qataryn efırge usynýda  alǵa qoıyp otyrǵan mańyzdy jumystardyń biri – arnada qazaq tilin tereń damytýǵa mán berilýde. Óıtkeni, shetelde kóptegen qazaq dıasporalary turyp jatyr, olardy atajurtymen tabystyratyn  kópir osy «Caspionet» arnasy bolyp otyr. Al endi, bıylǵy maýsymda shetel jurtshylyǵyn qandaı baǵdarlamalarymen qýantady degen suraqqa kelsek, bizdiń kanaldan «STEPPE TALES», «PERSONA GRATA», «SOUNDS OF NOMADS», «LIMITLESS SCIENCE»,  «MASTERS OF CREATIVITY» jáne «THE REAL ECONOMY» degen ataýlarmen jańa baǵdarlamalar qyrkúıektiń 6-synan bastap kórsetiledi.  Bul baǵdarlamalarǵa jeke-dara toqtalatyn bolsaq, «STEPPE TALES» baǵdarlamasynda arnanyń halyqaralyq redaksıasy qyzmetkeri Djonatan Núel,  shetel azamattyń kózimen qazaq turmysyndaǵy erekshlikterdi   kórsetedi. Syrt el azamatyna bári qyzyq: jergilikti tabıǵat, adamdar, ulttyq dúnıetanym, Qazaqstan  mádenıeti. Ol óz qolymen kıiz úı tigedi, qazy aınaldyrady, ulttyq taǵamdar: qurt, jent, irimshikti  jep kóredi. Qarapaıym qazaqstandyqtarmen tanysyp, tarıhı eskertkishterdi, sporttyq jarystardy, tipti, shyǵystyń bazaryn aralaı júrip, kórermendermen alǵan áserlerin bólisedi. 

         «PERSONA GRATA» – sheteldik dıplomattarmen beıresmı  suhbattar. Olardyń otbasy, qarym-qatynas ortasy,  saıasattan tys ómiri, elshilik mindeti,  Qazaqstanǵa degen kózqarasy osy baǵdarlamaǵa ózek bolmaq.

         Al, «SOUNDS OF NOMADS» - qazaqtyń ulttyq  mýzyka aspaptaryn nasıhattap, olardyń erekshelikterin  dáriptese, «LIMITLESS SCIENCE» – Qazaqstandyq ǵalymdardyń aldyńǵy qatarly jańalyqtary, olardyń  ár salada qoldanylýy. Iaǵnı, «Shekarasyz ǵylym» baǵdarlamasy arqyly qalyń jurtshylyq  zerthanalardaǵy óte kúrdeli tájirıberelerge kóz jetkizetin bolady.   «MASTERS OF CREATIVITY» -   ulttyq qolónerin, ata-baba dástúrin jalǵastyryp júrgen sheberlerdi jumysyn kórsetedi. Al kezekti, «THE REAL ECONOMY» baǵdarlamasy –  elimizdegi ekonomıkalyq jańalyqtardy tereń taldap, memlekettik reformalardy, ekonomıkadaǵy ózgerister men transformasıalardy túsindiredi. Dálirek aıtqanda, bul habarda Elbasynyń shetelderge sapary barysynda birlesken kásiporyndarmen, iri shetel ınvestorlarymen qos taraptyq kelisimderiniń  nátıjesi,  Qazaqstanda qolǵa alynyp jatqan ekonomıkalyq bastamalar,  sondaı-aq, el ekonomıkasynyń árqıly salalary men múmkindikteri týraly jan-jaqty áńgime órbıdi.  

      Jalpy alǵanda, «Kaspıonet» arnasy shetelde júrgen aǵaıyndardy, otandastarymyzdy osyndaı jańa jobalarymen qýantqaly otyr.