QR Bas prokýratýrasy azamattardyń aryzy men ótinishteri boıynsha bıznesmen Murathan Toqmádıge qatysty tergeý júrgizip jatyr, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Qazaqstan Respýblıkasynyń Bas prokýratýrasynyń vedomstvoaralyq tergeý tobynyń aýyr jáne asa aýyr qylmys jasady degen kúdik kelip otyrǵan Toqmádıge qatysty sotaldy tergeý júrgizip jatqany belgili. Kúdiktiniń úıin tintý kezinde qarjy qujattary, aıtarlyqtaı kólemde krımınaldyq qarý, oq-dári, jalǵan qujat jáne ózge de zattaı aıǵaqtar tabyldy. Azamattardyń aryzy men ótinishi boıynsha qosymsha tergeý júrip jatyr, Toqmádıdiń qylmystyq áreketteriniń ózge de epızodtary tekserilip jatyr", - dep habarlady QR Bas prokýratýrasynyń baspasóz qyzmeti ókilderi.

Osyǵan deıin sottaǵylar Murathan Toqmádıdiń eki aıǵa qamaýǵa alynǵanyn habarlaǵan edi. 

Eske salaıyq, belgili kásipker Murathan Toqmádıdi Ulttyq qaýipsizdik komıteti men İshki ister mınıstrliginiń arnaıy jasaǵy úıinen tutqyndap áketken bolatyn. 50 jastaǵy bıznesmen "Depýtattyq korpýs" atty qylmystyq topqa jetekshilik etken delinedi.