«Talıban» Aýǵanstannyń soltústiginde ornalasqan shalǵaıdaǵy aýylda kepilde ustaǵan 235 adamdy bosatqan, dep jazady Qamshy.kz aqparat agenttigi. Jergilikti BAQ-tyń málimetinshe, 8 tamyzda DAISH sodyrlarymen birikken «Talıban» munda 50-ge jýyq beıbit turǵyndy óltirgen.

«8 tamyz kúni keshke jergilikti aqsaqaldar men provınsıa sheneýnikteriniń qatysýymen Mırza Olannan 235 adam bosatylǵan, – dep habarlady provınsıa gýbernatorynyń resmı ókili Zabıýlla Amanı AFP agenttigine. Gýbernator ókiliniń aıtýynsha, tutqyndar Sarı-Pýl qalasyna aman-esen jetkizilgen. Al kepilde áli qansha adam qalǵany belgisiz.  

AFP agenttiginiń málimetine súıensek, Mırza Olanda 100-ge jýyq adamdy ustap otyr. Bul aýyl sodyrlar ótken demalysta jaýlap alǵan Sarı-Pýl aýdanynda ornalasqan. Jergilikti sheneýnikterdiń aıtýynsha, «Talıban» men DAISH sodyrlarynyń áreket etýi sırek kezdesedi.