Shyǵys Qazaqstan oblysynda qarýlanǵan adamdar jeke úıge qaraqshylyq shabýyl jasady. Belgisizder otaǵasyna oq atyp, otbasynyń qalǵan múshelerin baılap tastaǵan. Ókinishke qaraı, aýyr jaraqat alǵan er adam sol jerde kóz jumǵan. Qaraqshylar úıden mıllıon teńgeden asa aqshany alyp ketken, - dep habarlaıdy Qamshy.kz aqparat agenttigi Tengrinews.kz-ke silteme jasaı otyryp.
«11 qyrkúıekke qaraǵan túni aýylǵa bireýler shabýyl jasaǵan. Belgisizder jeke úıge basa kóktep kirip, úıdiń ıesine oq atyp, jaraqattaǵan. Er adam alǵan jaraqattarynan oqıǵa ornynda kóz jumǵan, al jaraqat alǵan ekinshi er adam aýrýhanaǵa jetkizilgen soń kóz jumǵan. Qaskóıler úıde bolǵan eki áıeldi baılap tastap, mıllıon teńgeden asa aqshany urlap ketip, oqıǵa ornynan jasyrynǵan», - dedi SHQO İİD ókilderi.
Sondaı-aq, polısıadaǵylar qylmysty ashý jáne kúdiktilerdi ustaý maqsatynda arnaıy jedel-tergeý tobynyń qurylǵanyn jáne ol topta SHQO İİD qyzmetkerleri men Kókpekti aýdandyq İİB qyzmetkerleri bar ekenin aıtty.
«Jedel-izdestirý sharalary barysynda Kókpekti aýdanynyń úsh turǵyny ustaldy. Keıinirek olar ýaqytsha ustaý ızolátoryna qamaldy», - dep habarlady İİD ókilderi.
Quqyq qorǵaý organdarynyń málimetinshe, qazirgi ýaqytta polıseıler adam óltirý jáne qaraqshylyq derekteri boıynsha sotqa deıingi tergeý bastady, qajetti saraptamalar taǵaıyndaldy.
