Qatar bıligi AQSH-tyń Tehas shtatynda daýyldan japa shekken turǵyndarǵa 30 mıllıon dollar qarajat aýdardy dep habarlaıdy Qamshy.kz  aqparat agenttigi kazislam.kz-ke silteme jasaı otyryp.

Qatar osylaısha Harvı quıynynan zardap shekkenderge gýmanıtarlyq kómek kórsetken shet memleketter arasynda kósh bastap otyr.

«Tehastyqtar kez kelgen tabıǵı qubylystardan qaıratty, ómir súrýge kúsh-qýaty jetedi, Qatar olarǵa kómektesýge qashanda daıyn» deıdi AQSH-taǵy Qatar elshisi.

Sonymen qatar, Birikken arab ámirligi de daýyldan qıyndyqqa ushyraǵan halyqqa 10 mıllıon dollar aýdaratynyn habarlady. Tehas gýbernatory Gregg Ebbott shtattaǵy qaıǵyly jaǵdaıǵa álem halqynyń erekshe nazar aýdaryp, kómekke umtylǵandaryna rızalyq bildirdi.

«Tehas pen Qatar arasynda burynnan áriptestik yntymaqtastyq baılanys bar. Men Qatar úkimetin qamqorlyǵy men qaıyrymdylyqtary úshin qurmetteımin» dep atap ótti gýbernator.