Búgin Úkimet otyrysynda QR Aýyl sharýashylyǵy Birinshi vıse-mınıstri Q.Aıtýǵanov osy jylǵy egin jınaý jumystarynyń barysy týraly baıandady, dep habarlaıdy Qamshy.kz aqparat agenttigi QR ASHM baspasóz qyzmetine silteme jasap.

«Búgingi tańda respýblıka boıynsha 11,6 mln. ga astyq jınalyp, 14,7 mln. tonna bastyryldy. Egin jınaý qarqyny byltyrǵy jyldyń osy ýaqytymen salystyrǵanda 2,4 mln. ga nemese 16% artyq, respýblıka boıynsha barlyq egistik alqaptyń 76,7% jınaldy. Ońtústik jáne Batys Qazaqstan, Jambyl oblystarynda masaqty dándi-daqyldardy jınaý aıaqtaldy», – dedi Q.Aıtýǵanov.

Aıta keteıik, elimizdiń soltústiktegi basty astyqty óńirlerinen 10,6 mln. tonna astyq jınaldy.

Sonymen qatar Úkimet otyrysynyń barysynda bıdaı, arpa, baý-baqsha jáne maıly daqyldardy jınaý jumystarynyń barysy da sóz boldy.

«Arpany jınaý jumystary aıaqtalýda. Qazirgi ýaqytta 1,8 mln. ga nemese aýmaqtyń 86% jınalyp, 2,7 mln. tonna ónim alyndy. Maıly daqyldar boıynsha jalpy aýmaqtyń 24% jınalyp, 1,2 mln. tonna ónim alyndy. Bul kórsetkish byltyrǵy jyldyń kóleminen 10% artyq. Baqsha daqyldaryn jınaý jumystary da jalǵasýda. Almaty, Jambyl, Ońtústik Qazaqstan oblystary boıynsha aýmaqtyń 76% jınalyp, 3,1 mln. tonna ónim alyndy (byltyrǵy jyldan 13% artyq). Qant qyzylshasy byltyrǵy jylǵa qaraǵanda 1,5 esege artyq jınalady dep kútilýde.», – dedi Birinshi vıse-mınıstr.

Kóktemgi egin jınaý jumystary úshin aımaqtar arzandatylǵan janar-jaǵar maımen qamtamasyz etildi. Astyq qabyldaý kásiporyndarynyń materıaldyq-tehnıkalyq bazasy jańa egin astyǵyn qabyldaýǵa daıyn.

Astyq saqtaý qoımalarynyń reıtıńisin anyqtaý (senimdi, jaramdy, senimsiz) ádistemesi ázirlendi. Osy jyldan bastap «Azyq-túlik kelisim shart korporasıasy» reıtıńi tómen astyq qabyldaý kásiporyndarymen jumys istemeıtin bolady.

Astyqtyń sapasyn arttyrý maqsatynda aǵymdaǵy jyly tuqym sharýashylyǵy men mıneraldy tyńaıtqyshtarǵa kórsetiletin qoldaý túrleri artty. Sonyń negizinde, 3 surypty bıdaıdyń úlesi 76% qurady, byltyr bul kórsetkish 44% bolǵan, al kleıkovınasy 25 paıyzdan joǵary bıdaıdyń úlesi – 47%, 2016 jyly bul kórsetkish nebári 9% qurady.

Bıylǵy jyly astyqtyń jalpy kólemi 19,5 mln. tonnany quraıdy dep kútilýde. Elimizdiń soltústik astyqty óńirlerinen 15 mln. tonna asytq jınalady dep josparlanýda.

Sharýalar úshin taǵy bir jańalyq – «Azyq-túlik kelisim shart korporasıasy» AQ arqyly bıdaı baǵasynyń dálizi onyń sapasy men jetkizý ornyna baılanysty keńeıtilýi. Mysalǵa, quramynda 32% kleıkovına jáne 15% proteıni bar 5 suryptaǵy bıdaıdyń tonnasy – 60000 teńge. 2 suryptaǵy arpa baǵasy jetkizý kólemi 1000 tonnaǵa deıin bolsa, 40000 teńgege, al jetkizý kólemi 1000 tonnadan artyq bolsa, tonnasy 41000 teńgege deıin artty.

Osy jyly egin jınaý naýqany ýaqytyly aıaqtalady dep kútilýde.