Almaty qalasynda Rahman Alshanovtyń qatysýymen qoǵamdyq keńestiń otyrysy boldy. Qoǵamdyq keńestiń otyrysynda latyn álipbıine kóshý máselesi talqyǵa tústi, dep habarlaıdy Qamshy.kz aqparat agenttigi.

Otyrys barysynda «Turan» ýnıversıtetiniń rektory qazirgi tańda kóterilip otyrǵan latyn álipbıine kóshý máselesi ótken kúnniń tarıhyna baılanysty emes ekendigin atap ótti.

«Almaty – mádenıet pen tildi damytýdyń ortalyǵy. Dál osy qala ǵylym men shyǵarmashylyqtyń oshaǵy bolyp tabylady. Sol sebepti de, bul qala latyn álipbıine kóshý máselesinde qarqyndy jumys atqarýy tıis, buǵan kóp nárse baılanysty. Qazirgi tańda ǵalamtordyń 90 paıyzy aǵylshyn tilinde. Latyn álipbıine kóshý – elimizdiń bolashaǵy úshin óte tıimdi», - dedi Rahman Alshanov.

Keńes músheleri, sarapshylar atalǵan taqyrypta óz pikirlerin bildirdi.

Latyn álipbıine kóshýge baılanysty ótken qoǵamdyq keńestiń otyrysynda saıasatker Marat Shıbýtov atalmysh reformanyń tıimdi jaqtary men belgili faktorlary jaıynda aıtyp ótti. Onyń aıtýynsha, bul sheshim ınovasıaǵa aınalmaıdy, alaıda is júzinde belgilengen tildik praktıkany kórsetedi.

«Latyn alfavıtine kóshý máselesi 1991 jyly táýelsizdigimizdi alǵannan keıin kóterilgen bolatyn. Osy ýaqytqa deıin ol umytylyp ketpedi, kerisinshe kóptegen jerlerde aıtylyp júrdi. Bul máseleni BAQ ókilderi qaıta-qaıta kóterip otyrdy. Latyn álipbıi – jańalyq emes, ol bizdiń ótkenimiz, tarıhymyz, búgingi tańdaǵy tájirıbemiz. Kez kelgen áleýmettik jelide nemese qarapaıym habarlama jiberýde eshkim de kırıll qaripindegi qazaq tilin smartfondaryna ornatyp otyrmaıdy desem artyq bolmas. Kópshilik halyq latyn áripterimen jazady. Demek, latyn álipbıi halyq arasynda qoldanysta bar degen sóz. Árıne, birshama keleńsizdikter, máseleler týyndaýy múmkin. Alaıda, orfoepıa men orfografıalyq zańdylyqtarǵa súıene otyryp, durys sheshim qabyldanady degim keledi. Eń aldymen 100 000 sózden turatyn sózdik shyǵady. Ýaqyt óte kele bul qalypty jaǵdaıǵa aınalyp, barlyq máseleler óz sheshimin tabady», - deıdi saıasatker Marat Shıbýtov.

Qoǵamdyq keńes múshesi Qazybek Shaıh jańa álipbıdi jasaýǵa ketetin qarjynyń bosqa dalaǵa shashylmaı, el ekonomıkasynda qalatynyn aıtty.

«Sońǵy aılarda latyn álipbıine qatysty kóp pikir aıtylyp jatyr. Ásirese, bul búdjetke tompaq keledi degen sóz kóp. Biraq men aıtar edim, bul argýment syn kótermeıdi. Sebebi, álipbıdi aýystyrýǵa biz dollar jumsamaımyz, teńge jumsaımyz. Teńgeni ózimiz jasaımyz. Bul aqshaǵa myńdaǵan jumys oryndary ashylady, kitaptar qaıta basylyp, qala attary, karta ataýlary ózgertiledi. Munyń bári óz otandastarymyzdyń ıgiligine jumys jasaıdy», - dedi Qazybek Shaıh.

Ekonomısiń aıtýynsha, qazirgi zamannyń adamy aqparattyń 80 paıyzyn ınternetten alady.

«Sondyqtan, osy ýaqytqa deıingi bilim qory qurdymǵa ketedi degen bos sóz. Qazir mundaı kitaptardyń elektrondy nusqasy klavıatýranyń bir ǵana belgisin basý arqyly daıyn bolady», - dedi ol.