Ár kúni mıllıondaǵan adamnyń jegen chıpsteri ózderine qaýip tóndirýde. Tipti keıbir uıymdar temekidegi sekildi chıps qoraptarynyń syrtyna da densaýlyqqa zıandy degen eskertýler jazylý kerektigin usynýda. «Chıps jeýdiń, maı ishýden aıyrmashylyǵy joq.» degen mamandar, qaterli isikten bastap salmaq qosýǵa, qant dıabetinen bedeýlikke jáne parkınson aýrymen qatar birneshe aýrýlarǵa sebep bolatynyn bildirýde. Quramynda 10 paıyz mólsherde maı jáne 3 paıyz mólsherde trans maıy bar chıpsterden kúnine 35 gramdyq bir paket chıps jeıtin adam, 1 jylda 5 lıtr maı ishken bolady. Álemdegi kóptegen qoǵamdyq uıymdar, ýnıversıtetter, qorlar chıpstiń zıandaryn aıtyp túsindirse de, chıps jeıtinderdiń sany jyl saıyn arta túsýde. Chıpstiń quramyndaǵy maıdan basqa tuzdyń bolýy odan da úlken qaýip tóndirýde. Dúnıejúzilik densaýlyq saqtaý uıymy men Amerıkanyń azyq-túlik uıymynyń aıtýy boıynsha, ár bir eresek balanyń kúnine eń kóp degende 6 gram tuz jáne 65 gram maı jeýi kerek. Kúnine 2 paket chıps jeıtin adam bul mólsherlerden artyq jegen bolady. Shamadan tys jelingen maı jáne tuz, holesterın, mıokard ınfarkti jáne paralıch sıaqty qaýipti aýrýlarǵa jol ashady. 
Anglıada YouGov atty uıym tarapynan jasalǵan zertteýde, halyqtyń úshten biriniń ár kúni bir paket chıps jeıtini, úshten ekisi aptada birneshe paket chıps jeıtini málimdendi. Chıpstegi qaýipterdiń mańyzdylyǵyna toqtalyp osy másele boıynsha kitap jazǵan Maıkl Mos, ondaǵan jyl zertteý júrgizip úlken azyq-túlik óndiretin fabrıkalardyń mıda tábetti qozdyrý ortalyǵyna áser etetin ónimder shyǵaratynyn málimdedi. Qazirgi tańda chıpsterdiń ózine táýeldilik qalyptastyratynyn aıtqan Mos: «Chıpster tistelgen kezde daýysy qanshalyqty qatty shyqqan saıyn, adamnyń sonshalyqty kóp chıps jegisi keletin sezim paıda bolady» dedi.