Ǵaryshtyq túsirilimderden Qazaqstan aýmaǵynda sýyq fronttardyń belsendi bultty massıvi baıqalady, dep habarlaıdy Qamshy.kz aqparat agenttigi Qazgıdrometke silteme jasaı otyryp.
Aldaǵy ýaqytta respýblıkanyń ońtústik jáne ońtústik-shyǵystyń keı jerlerinde jaýyn jaýady. Sýyq fronttyń artynan Kavkaz aýdanynan antısıklon taralady, soǵan baılanysty respýblıka aýmaǵynda jaýyn-shashyn toqtap, temperatýra tómendeıdi.
Reseıdiń eýropalyq bóliginiń soltústik aımaqtarynan Batys Sibirge qaraı kezekti sıklon jyljyp keledi. Ol Qazaqstannan alys ornalasqan bolsa da, oǵan kiretin arktıkalyq atmosferalyq fronttar júıesi 20-21 qazan aralyǵynda respýblıkanyń batys jáne soltústik oblystary arqyly jyljıtyn bolady, sonyń áserinen jaýyn-shashyndy bolady.
