Adam óz ómiri men taǵdyryn kez kelgen ýaqytta ózgerte alady. Tek óz-ózine senimdi bolýy kerek. Óz-ózine senimdi adam ǵana ómirde óz ornyn taýyp, jetistikke jete alady. Alaıda adam ómirindegi keıbir qarapaıym sózderdiń ózi ómirdi túgelimen ózgertýi ábden múmkin. Iá, siz durys oqydyńyz. Ómirdi, taǵdyrdy ózgertetin qarapaıym sózder bar. Bul sózderdi kúndelikti ómirde jıi qoldanyp, amal etseńiz jetistikke jetip, maqsatyńyzdy oryndaıtynyńyz anyq.

Úmit – adamdy kez kelgen qıyndyqtan qutqarady. Qandaı da bolmasyn qındyq kezinde «Men jaqsylyqtan kúder úzbeımin, úmitsiz shaıtan, men úmittenemin», - dep aıtyńyz.  Aıtqanyńyz oryndalady.

Sáttilik – psıhologtardyń sózine súıensek, sáttilik óziniń atyn ataǵandardyń qasynda bolady. Alaıda bul sózdi qoldanǵan adam óz-ózine senimdi bolýy qajet. «Meniń jolym bolyp ketse eken, bári sátti aıaqtalsa eken», - deýdiń ornyna, «Barlyǵy sátti aıaqtalady, men senemin», - dep aıtqan durys.

Súıispenshilik. Árbir adam eń aldymen ózin jaqsy kórýi kerek. Sonymen birge árqashanda ózińiz úshin qymba jandarǵa «men seni jaqsy kóremin», - dep aıtý kerek. Bul sóz de ómirdi túbegeıli ózgertedi. Sebebi adam ómirindegi sezim men súıispenshiliktiń róli zor.  Bul sóz sizge úı nemese  kólik alatyndyǵyńyzǵa kepildik bermeıdi, alaıda ishki jan dúnıeńizdiń kórkeıýine zor úlesin tıgizedi.

Tabys. Árbir bastaǵan jumysyńyz tabysty bolýy úshin bul sózdi jıi aıtýyńyz kerek. Nátıjesinde siz ózińizdi ishteı tárbıelep, tabysty qyzmetker atanasyz. Jaı ǵana «Bul jumysym tabysty aıaqtalady», - dep aıtý jetkilikti.

 Jaqsylyq.  Bul sózdi aıtqannan góri amal etken paıdaly. Ózgelerdiń sizge qol ushyn sozǵanyn qalasańyz, aldymen ózińiz basqalarǵa kómektesýińiz kerek. Siz jasaǵan kez kelgen jamandyq ta, jaqsylyq ta ózińizge qaıtyp keletinin umytpaǵanyńyz abzal. Sebebi ómir – býmerań. Sizge búgin eshkim kómektespegen bolsa, ózińizdi kinálańyz, sebebi siz de ózgelerge qıyn sátte kómek kórsetpegensiz.

Senim. Árqashan ómirge, taǵdyrǵa senim arta bilý kerek.  Qıyn kezde barlyq másele sheshiletinine sený kerek. Árbir adam únemi «Búgin bolmasa da erteń bul másele sheshiletinine senemin. Men ózime de, taǵdyryma de senemin», - dep aıtyp júrý kerek.

Senimdilik. Senim men senimdilik uqsas bolsa da, ekeýiniń maǵynasy ártúrli. Senim ózgege sený bolsa, senimdilik ár adamnyń ishki meni, ıaǵnı óz-ózine senimdilik.  Eger siz ózińizdiń kúshińizge jáne daryndylyǵyńyzǵa senimdi bolyp, táýekel etseńiz jetistikke jetesiz. Árbir jumysyńyzǵa ne jańalyǵyńyzǵa ózgelerdi sendire bilý úshin aldymen ózińiz senýińiz kerek. Sol kezde ómirde óz ornyńyzdy taba alasyz.

Densaýlyq. Bul – sáttiliktiń kepili. Sizdiń ómirińizdegi eń qundy syılyq, baǵa jetpes baılyq – densaýlyq. Densaýlyqqa sizdiń ishki oıyńyz ben sózińiz de áser etedi. Sol sebepti únemi jaqsy sóz aıtyp júrý kerek. Densaýlyǵyńyz úshin aqshańyz ben ýaqytyńyzdy aıamańyz. Sebebi ýaqyt pen aqsha adamǵa eshqashan jetpeıdi. 

Rahmet. Bul sózdi árbir adam kúndelikti aıtyp júrýi tıis. Únemi ózgelerge alǵys aıtyp júrý sizdiń kúnińizdi shýaqty ete túsedi. Ata-anańyzǵa, dostaryńyzǵa, kúıeýińizge jalpy aıtqanda janyńyzǵa jaqyn adamǵa «Seniń bar bolǵanyń úshin rahmet», - dep aıtý keremet sezim emes pe?