...Shyjyǵan Shilde bolatyn. Basymdy kótergende aıaldamadan asyp bara jatqanymyzdy kórdim de, kitabymdy jaba sala ornymnan ushyp turdym. Avtobýstyń sońynda otyrǵan men - kózdi ashyp jumǵansha aldyńǵy esiktiń janynan biraq shyqtym. Tejegishti birden basqanda, kontroler balaǵa kelip soqtyǵysqam, ózimniń de salmaǵym jeńil emes,  bir japyraq balanyń túri ózgerip ketti.

Keshirim suradym da, ytqyp shyǵyp, joldan óte qoıaıyn dep aınalama qarasam, tolǵan kólik. Jol erejesin umytyp ta kettim. Sebebi, kýrsqa keshigetin bolsań, aıyppul tóleısiń. Bul da jaqsy yntalandyrý amaly. Kim jaıdan-jaı bireýge aqsha bergisi keledi deısiń.

                                                        ***

...Sabaqtan shyǵa sala samal jeldi sezinip, saıabaqqa kitap oqýǵa barǵan bolatynmyn. Jıyrma mınýttan soń  elý bester shamasyndaǵy ata janyma jaqyndaı bere bir nárse dep kúbirledi de, qolyn meniń janyma nusqady... Ne aıtyp turǵanyn birden uǵa qoıdym.

  Qulaǵymdaǵy mýzykany sóndirdim de:  «Iá,otyryńyz, árıne» - dep jaýap berdim. Biraq, azdan soń óz jaýabyma qapalanyp qaldym.

Jaıǵasyp otyrǵan soń álgi qart ózin, rejısermyn dep tanystyrdy. Meniń sulýlyǵyma tamsanyp, alystan baıqap kelgendigin aıtty. Azdap qysylyńqyrap qaldym.

«Sen qyzdan shabyt alyp turmyn, júziń jyly, boıyńda qarapaıymdylyq bar. Men seni álemdegi eń sulý deı almaımyn, biraq óte tartymdy qyzsyń. Qasyń men kóziń sondaı jarasymdy» - degen sózderdi aıta bastady. Qaıda oqıtynymdy, meken-jaıym men áke-sheshemniń jumysyn surastyrdy.

Mamandyǵym jýrnalıs deı bergende, ózin «STV» arnasynyń dırektorymyn dep tanytyrdy da, jumysyna basty róldegi aktrısa etip alǵysy keletindigin aıtty.

Men birden seskenip: «Ata-anammen sóılesýim kerek. Men sizdi tanymaımyn ǵoı, múlde» - dep aýzymdy asha bergende: «Olarǵa aıtýshy bolma, bul óner ǵoı. Sen bul salada júrgende óziń sheshim qabyldaýyń kereksiń» -dedi de,  birtúrli aqtala bastady.

«Men saǵan qıanat jasamaımyn, qoryqpa, jaman oıym joq. Men óner adamy bolǵan soń shabyttanamyn. Men tanıtyn qansha ákim, mınıstr, shirigen baılar bar»  - demin tartyp, kózin ári-beri júgirtip: « Kóbinde jas qyzdarǵa qıanat jasap ketedi» - dedi. Boıymdy úreı bılep, júrek qaǵysym jılep ketti.

Tynysym taryla bastaǵan, uıaly telefonymnyń shyryldaǵanynan selk ete tústim. Qońyraý shalǵan adam qysqa da nusqa qaıyrdy. Men qoryqqannan óz-ózimmen sóılesip otyra berdim. Az ýaqyttan soń, meni ózinshe bir mýzaǵa aınaldyryp turǵan «rejıser»  ún túnsiz ornyn turyp kete berdi. Ony toqtatýǵa men de umtylǵan joqpyn.

 Álgi «aktrısa» qaıda qaldy?

Osy suraqtyń jaýabyn  tapqan oqyrman – meniń oıymdy sózsiz túsinip otyr dep oılaımyn.

Búgingi jantalas zamanda aldaý men arbaý syndy adam jıirkenetin oqıǵalar kóbeıip barady. Aýyldan kelgen mundaıdan esh habary joq arýlarymyzdyń taǵdyrynyń kúl-talqanyn shyǵaratyn ımansyz, arsyz, namyssyz jigitter, tipti, ózderińiz kýá bolyp otyrǵandaı qarttarymyz da bar ekeni kún sanap dáleldenip keledi.

Qyz – bolashaq urpaqtyń tárbıleýshisi. Álemdi terbetetin ardaqty ana emes pe? Qyzǵa qıanat jasaý – baqytqa jetkizer jol emes. Qıanat jasaý – Allanyń aýlaq bol degen isteriniń biri.

 Jany názik,  qarakóz qyzdarymyz aman bolsyn. Adaldyq pen adamgershilik –  azamattarymyzdyń basty qundylyqtaryna aınalsyn, aǵaıyn!