Amerıkalyq kınoaktrısa Salma Haıek "Nú-Iork taıms" basylymyna ózi jáne kóptegen Gollıvýd aktrısalary prodúser Harvı Vaınshteın tarapynan seksýaldyq ozbyrlyq kórgenin jazdy, dep Qamshy.kz aqparat agenttigi Azattyqqa súıene otyryp jazady.
"Kóp jyl boıy ol meniń qubyjyǵym boldy", - dep jazady Haıek.
1990 jyldary aktrısa Miramax Films kompanıasy túsirgen fılmderge túsken. Ol kezde kompanıa basshysy Vaınshteın bolǵan. Haıek prodúserge mansabynyń bastapqy kezeńi úshin alǵysyn bildiredi. Biraq onyń sózderinshe, kınomagnat únemi túnde ol toqtaǵan qonaq úıdiń aldyna kelip turǵan. Biraq aktrısanyń tósek qatynasynan bas tartýy Vaınshteınniń ashý-yzasyn týǵyzǵan.
2002 jyly sýretshi Frıda Kalonyń ómirbaıany jóninde fılmdi túsirý kezinde Vaınshteın Haıekke qatań talaptar qoıa bastaǵan. Atap aıtqanda, ol aktrısadan jalańash epızodtarǵa túsýin talap etken. Haıek fılmdi aıaqtaý úshin bárine kelistim deıdi. Túsirilim barysynda Haıektiń júıkesi syr bergen. "Másele, men jalańash basqa áıeldiń janynda jatqanymda emes, másele Harvı Vaınshteın úshin jalańash jatqanymda boldy",- dep eske alady ol.
"Frıda" fılmi 56,3 mıllıon dollar paıda ákelip, Oskar syılyǵynyń alty nomınasıasy boıynsha júlde aldy. Ondaǵan áıel Vaınshteındi seksaýaldyq ozbyrlyq úshin aıyptady. Ústinen qylmystyq is qozǵalǵan prodúser bolsa, barlyq aıyptardy joqqa shyǵarady.
