Oraldyq kókek ana aqyry ata-analyq quqyǵynan aıryldy. Jańa týǵan nárestesin qurylys alańyna tastap ketken 21 jastaǵy Zarına Dosmuhametovaǵa qatysty sot osyndaı sheshim shyǵardy, dep habarlaıdy Qamshy.kz aqparat agenttigi KTK telearnasyna silteme jasaı otyryp.
Keıinirek anyqtalǵandaı, ulynyń ákesimen ursysyp qalǵan Zarına alǵashynda ony jetimder úıine ótkizbek bolypty. Biraq taba almaı, balasyn qurylys alańyna tastap ketken. Álıjan esimdi náreste qazir balalar úıinde tárbıelenip jatyr.
Al kelinshek "qaýipti jaǵdaıda qaldyrdy" degen bappen aıyptalyp, áýeli qoǵamdyq jumysqa jegildi. Odan soń balany ózine qaıtaryp alýǵa tyrysqan bolatyn. Biraq sot múldem basqa sheshim shyǵardy.
"Sot sheshimi bir aıdan keıin kúshine enedi. Bul bala ata-anasynyń qamqorlyǵynsyz qalǵan balalar sanatyna jatady. Respýblıkalyq derekter bankinde turatyn azamattar bul balany qamqorlyqqa nemese patronattyqqa alýǵa quqyǵy bar. Endi 6 aı ótkennen keıin ata-anasy ata-analyq quqyǵyn óz qalpyna keltirmese, bul bala asyrap alýǵa da quqyǵy bolady", — deıdi Oral qalalyq bilim bóliminiń balalar quqyǵyn qorǵaý sektorynyń meńgerýshisi Aqıis Berjanova.
