Nursultan Nazarbaev memlekettik marapattar men syılardy tabystaý rásimin ótkizdi, - dep habarlaıdy Tengrinews.kz. 

Marapattalǵandar arasynda - Joǵarǵy sottyń jańa tóraǵasy Jaqyp Asanov, aqparat jáne komýnıkasıalar mınıstri Dáýren Abaev, ádilet mınıstri Marat Beketaev jáne ınvestısıalar jáne damý mınıstri Jeńis Qasymbek. Olar "Parasat" ordenine ıe boldy. 

"Parasat" ordeni 1993 jyly 1 sáýirde bekitilgen. Bul ordenmen Qazaqstan Respýblıkasynyń damýy men rýhanı jáne zıatkerlik áleýetine úles qosqan qaıratkerler marapattalady. 

Aıta keteıik, Qazaqstan Prezıdenti "Astana EKSPO-2017" UK" AQ basqarma tóraǵasy Ahmetjan Esimovke  "Qazaqstannyń Eńbek Eri" ataǵyn berý týraly jarlyqqa qol qoıǵan. 

Sonymen qatar,  "Qazaqstannyń Eńbek Eri" ataǵyn "Teńizshevroıl" JSHS menedjeri Rýslan Qýatov jáne "Jaqsylyq" SHQ jetekshisi Jaqsylyq Úshkempiroke de berildi.