Qaraǵandy oblysynda ereýildegen barlyq kenshi shahtalardan shyqty dep jazady Qamshy.kz aqparat agenttigi Qaraǵandy ákimdigine silteme jasaı otyryp.

«ArselorMıttal Temirtaý» AQ shahtalaryndaǵy ereýil aıaqtaldy. «Qazaqstan» shahtasynyń jumysshylary oblys ákimi Erlan Qoshanov jáne AMT atqarýshy dırektory Vadım Basınmen kezdesken soń jer betine shyǵa bastady. Keıin «Shahtınsk», «Tentek» jáne «Lenın» atyndaǵy shahta kenshileri jer astynan kóterildi.

15 jeltoqsanda túngi saǵat birge qaraı barlyq kenshiler jer astynan shyǵa bastady. Jer astynan 420-daı kenshi shyqty.

Jumys berýshi kenshilerge  kelesi sharttardy usynyp otyr: Kenshilerdiń jalaqysy otyz paıyzǵa kóteriledi. Ári qaraı kelissóz júrgizý barysynda komısıa jer ústinde jumys isteıtin kenshilerdiń jalaqysyn ósirý máselesin sheshedi.  Kómir departamentiniń barlyq jumysshysyna bir jalaqy kóleminde bir rettik syıaqy tólenedi.

Taǵy aıta ketetini jumys berýshi 15 jeltoqsandy demalys kúni dep jarıalap, 16 jeltoqsannan bastap jumysqa kirýdi usyndy.

«Kenshiler arasynda Shahtınsk qalasynyń prokýrory qol qoıǵan hat kenshiler arasynda taratyldy.  Hatta  kenshilerge ereýilge shyqqany úshin qylmystyq qýdalaýǵa ushyramaıtyny aıtylǵan.  Budan bólek, prokýratýra organy qajet bolǵan jaǵdaıda quqyqtyq qoldaý kórsetýge daıyn», — dep habarlady ákimdik.