QR Syrtqy ister mınıstri Ánýar Jaınaqov Qytaıda ólim jazasyna kesilgen qazaqstandyqtyń  elge qaıtarylǵandyǵy týraly málimdedi, dep jazady Qamshy.kz aqparat agenttigi. 

«Búgin esirtki tasymaly úshin ólim jazasyna kesilgen qazaqstandyq Úrimshi qalasynan Qazaqstanǵa jetkizildi. Bul áreketti Qazaqstannyń Qytaıdaǵy elshiligi uıymdastyrǵan», dep jazdy ol óziniń Facebook paraqshasynda.

Syrtqy ister mınıstrligi ókiliniń aıtýynsha, Aqmola oblysynyń 1989 jylǵy týmasy 2009 jyly Gýanchjoýdyń Gýandýn provınsıasynda ustalyp, basynda 2 jylǵa bas bostandyǵynan aıyrylǵan. Al 2011 jyly bul jaza ómir boıyna bas bostandyǵynan aıyrylý týraly jazamen almastyrylǵan.

Á. Jaınaqovqa súıensek, 2015 jyldan bastap qazaqstandyq dıplomattardyń Qytaı tarapymen mámilege kelýi barysynda elge, onda sottalǵan 15 azamat qaıtarylǵan.

Dıplomattar tek Qytaıda emes, basqa  memleketterde bas bostandyǵynan aıyrylǵan qazaqstandyqtardy elge qaıtarýǵa kúsh jumsaıtyn bolady.