Táýelsizdik kúni qarsańynda «Nur Otan» partıasynyń Ortalyq apparatynda partıa qyzmetkerlerin memlekettik jáne partıalyq nagradalarmen marapattaý saltanaty ótti. İs-sharaǵa partıa Tóraǵasynyń Birinshi orynbasary Muhtar Qul-Muhammed qatysyp, nurotandyqtarǵa laıyqty nagradalaryn saltanatty jaǵdaıda tabys etti, dep jazady Qamshy.kz aqparat agenttigi.
«Barshańyzdy elimizdiń eń ulyq merekesi Táýelsizdik kúnimen shyn júrekten quttyqtaımyn. Elbasymyzdyń dana basshylyǵymen táýelsizdigimizdiń shırek ǵasyrdan astam ýaqytynda elimiz tolaıym tabystarǵa qol jetkizdi. Búginde Qazaqstan álemdik qaýymdastyqta asa zor abyroı-bedelge ıe, alpaýyt elderdiń ózi sanasatyn memleketke aınaldy. Bizdiń endigi mindetimiz – Elbasymyz aıqyndap bergen basym baǵyttan jańylmaı, jańa bıikter men belesterge nyq qadam basý», – dedi Muhtar Qul-Muhammed.
Sonymen qatar, «Nur Otan» partıasy Tóraǵasynyń Birinshi orynbasary táýelsizdik kúni qarsańynda búkil elimiz boıynsha jumys qorytyndysy shyǵarylyp, úzdik qyzmetkerlerdi marapattaý dástúri qalyptasqanyna nazar aýdardy. Osyǵan oraı partıanyń damýyna jáne Táýelsiz Qazaqstannyń nyǵaıýyna qosqan úlesi úshin birqatar partıa qyzmetkerleri memlekettik jáne partıaly ataqtarǵa ıe boldy.
Atap aıtqanda, memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin Qazaqstan Respýblıkasy Prezıdentiniń Jarlyǵymen «Iassy» konsorsıýmynyń tóraǵasy Úmbet Júsipbaev, Aqtóbe oblysy isker áıelderi qaýymdastyǵynyń tóraıymy Kúlshat Másálimova, Atyraý oblystyq partıa fılıaly tóraǵasynyń birinshi orynbasary Nurlybek Ojaev, partıa Tóraǵasy Birinshi orynbasarynyń keńesshisi Asqar Smaǵulov, partıa Ortalyq apparaty basshysynyń orynbasary Baljan Shámenova, «Almaty-2 temir joly» bastaýysh partıa uıymynyń tóraǵasy Asqar Shúkirbekov «Qurmet» ordenimen marapattaldy.
«Eren eńbegi úshin» medalimen partıa Ortalyq apparaty Baspasóz qyzmetiniń basshysy Álıa Bórıeva, Soltústik Qazaqstan oblystyq balalar aýrýhanasynyń bas dárigeri Oleg Zaválov, Ońtústik Qazaqstan oblysy Saıram aýdandyq partıa fılıaly tóraǵasynyń birinshi orynbasary Márıa Qalybaeva, Pavlodar tehnologıalyq kolejiniń dırektory Qabylqaq Qapenov, Almaty qalalyq partıa fılıaly qoǵamdyq qabyldaý bólmesiniń konsýltanty Rahıa Qulashbekova jáne partıa janyndaǵy Saıası taldaý jáne strategıalyq zertteýler ortalyǵynyń dırektory Iýlıa Kýchınskaıa, partıa Ortalyq apparaty Strategıa jáne monıtorıń departamentiniń dırektory Serik Sátıev, Astana qalasyndaǵy «Órkenıet» aýmaqtyq fılıaly tóraǵasynyń birinshi orynbasary Márıa Ótebaeva, Mańǵystaý oblysyndaǵy «Jaýqazyn» balabaqshasynyń dırektory Mánet Shyraqbaı marapattaldy.
«Shapaǵat» medali Aqmola oblysy múgedekteri erikti qoǵamynyń tóraǵasy Serik Ákimbaevqa tabys etildi.
Qazaqstan Respýblıkasynyń Qurmet gramotasymen Qaraǵandy oblystyq partıa fılıaly qoǵamdyq qabyldaý bólmesiniń sarapshysy Jamal Bajaeva, Qostanaı oblysyndaǵy Jitiqara aýdandyq partıa fılıalynyń esepke alý jáne statısıka sektorynyń meńgerýshisi Inessa Bogatyreva, Almaty oblystyq partıa fılıalynyń zańger-konsýlty Tólegen Janysbek, Batys Qazaqstan oblysy Aqjaıyq aýdandyq partıa fılıaly tóraǵasynyń birinshi orynbasary Aıjan Nysanbaeva, Shyǵys Qazaqstan oblysy Besqaraǵaı aýdandyq partıa fılıaly tóraǵasynyń birinshi orynbasary Bolat Omarov, partıa Ortalyq apparatynyń býhgalteri Jámılıa Sársembaeva, partıa Ortalyq apparaty Uıymdastyrý-baqylaý jumysy departamentiniń ınspektory Marat Smaǵulov, «ASAR» Jambyl oblysy múgedekter uıymdarynyń odaǵy» zańdy tulǵalar birlestiginiń prezıdenti Rýslan Tólegenov jáne partıa Ortalyq apparaty Kadrlyq saıasat departamentiniń konsýltanty Laýra Ómirseıitova marapattaldy.
Sondaı-aq, birqatar nurotandyqtar Qazaqstan Respýblıkasynyń Prezıdenti, partıa Tóraǵasy Nursultan Ábishuly Nazarbaevtyń strategıalyq baǵytyn, «Nur Otan» partıasynyń baǵdarlamalyq baǵyttary men mindetterin iske asyrýǵa belsendi atsalysqany jáne Qazaqstan Respýblıkasynyń Táýelsizdik kúnine oraı partıalyq nagradalarmen marapattaldy. Atap aıtqanda, «Belsendi qyzmeti úshin» tósbelgisin partıa hatshysy Qanybek Jumashev, Dúnıejúzilik qazaqtar qaýymdastyǵy Tóraǵasynyń Birinshi orynbasary Zaýytbek Turysbekov, «Lıter» gazetiniń Astana qalasyndaǵy menshikti tilshisi Tatána Krıvorotko, Almaty oblystyq partıa fılıaly tóraǵasynyń birinshi orynbasary Ǵalıasqar Sarybaev, Ertis óndiristik kesheni Ertis shahtasynyń bastyǵy Qýanysh Raqymov ıelendi. Odan bólek, partıanyń «Qurmet gramotasymen» 18 adam marapattaldy.
