Almaty qalasynyń Medeý aýdanyndaǵy M.Gorkıı atyndaǵy saıabaqta ornalasqan «Spartak» stadıonynda tórtinshi tegin muz aıdyny ashyldy.

Alańnyń ashylý saltanatyna Medeý aýdanynyń ákimi Erjan Jylqybaev pen Abaı atyndaǵy QazUPÝ rektory Takır Balyqbaev  qatysyp, jınalǵan qaýymdy Táýelsizdik mereke qarsańynda quttyqtaýlaryn jetkizdi.

“Qurmetti, qala turǵyndary men qonaqtary! Barshańyzdy qasterli  merekemiz Táýelsizdik kúnimen shyn júrekten quttyqtaımyn! Qala ákimdiginiń qoldaýymen «Rýhanı jańǵyrý» baǵdarlamasynyń aıasynda alyp shaharda tegin muz aıdyndary ashylýda. Munyń barlyǵy – qala turǵyndaryn, ásirese balalardy sportqa baýlý maqsatynda atqarylyp jatqan jumys”, – dep atap ótti aýdan ákimi Erjan Jylqybaev.

Ashylý saltanaty kezinde almatylyq klýbtyń jas hokeıshileri sheberlik sabaǵymen óner kórsetip, pedagogıkalyq ýnıversıtet stýdentterimen birge jappaı syrǵanaýǵa qatysty.

“Biz qonaqtarǵa jaqsy kóńil kúı syılaýǵa tyrystyq. Kún saıyn kónkı tebemin dep aıta almaımyn, alaıda qalamyzda tegin muz aıdyndarynyń ashylyp jatqanyna asa qýanyshtymyn. Bul – keremet jańalyq. Endi dostarymmen birge jıi kelip turamyz”, – dep bólisti oqýshylar úıiniń tárbıelenýshisi Albına Safarova.

Aıta keteıik, alań kásibı borttarmen jasaqtalǵan. Tehnıkalyq úzilis muz aıdynǵa baılanysty jasalady. Aldaǵy ýaqytta tamaqtaný ortalyqtary da ashylatyn bolady. Atalǵan muz aıdyndar tek jappaı syrǵanaýǵa arnalǵan. Olar qys mezgiliniń sońyna deıin jumys isteıdi. Joba uıymdastyrýshysy Almaty qalasynyń ákimdigi bolyp tabylady.

Eske salaıyq, buǵan deıin qalada tegin 3 muz aıdyny ashylǵan bolatyn. Olar Abylaı han kóshesinde, Qazaqstannyń Tuńǵysh Prezıdenti saıabaǵynyń aldynda jáne «Mart» saýda ortalyǵynyń janynda ornalasqan.

Sondaı-aq, birneshe kúnnen keıin tegin muz alańdary Áýezov aýdanynda, Jandosov kóshesindegi «Dýbok» yqsham aýdanynda, Bostandyq aýdanynda «Vılla deı Fıorı» kesheniniń mańynda  jáne Alataý, Naýryzbaı aýdandarynda  iske qosylady.