Almatyda Qazaqstan Táýelsizdiginiń 26 jyldyǵyna oraı Táýelsizdik Monýmentine satlanatty túrde gúl shoqtary qoıyldy.

Qala basshylyǵy, ardagerler Keńesi, saıası partıalar men qoǵamdyq uıymdar, 1986 jylǵy Jeltoqsan oqıǵasyna qatysýshylar, jastar uıymdary, qala turǵyndary áskerı-úrlemeli orkestrdiń mýzykalyq súıemeldeýimen Respýblıka alańyndaǵy táýelsizdik Monýmentine gúl shoqtaryn qoıdy.

Shara barysynda Almaty óńirlik garnızonynyń áskerıleri saltanatqa qatysýshylar aldynan áskerı sappen ótti.

Sharaǵa qalalyq ákimdik ókilderi, Ardagerler keńesiniń músheleri, saıası partıalar men qoǵamdyq uıymdar, 1986 jylǵy Jeltoqsan oqıǵasyna qatysýshylar, úkimettik emes uıymdar, Aýǵan soǵysynyń ardagerleri, Chernobyl apatynyń saldaryn zararsyzdandyrýǵa qatysqan azamattar, jastar uıymdary qatysty.

«Búgin elimiz úshin eń mańyzdy kún. Qazaq tarıhynda ata-babamyz táýelsizdik úshin janyn pıda etken. Mine, osy maqsatqa jetkenimizge 26 jyl boldy. Osy ýaqytta qýatty ekonomıka qalyptasty. Áleýmettik, ǵylym, bilim salasy qarqyndy damyp keledi. Qazaqstan ınvestısıa tartýda Ortalyq Azıada jetekshi ról oınap keledi. Al damyǵan eldiń 30-dyǵyna ený týraly maqsat qol jetkizýge bolatyn meje dep sanaımyn. Barlyqtaryńyzdy Táýelsizdik kúnimen quttyqtaımyn», - dedi Turan ýnıversıtetiniń rektory, qoǵamdyq keńes tóraǵasy Rahman Alshanov.

Jıyn sońynda áskerı-úrmeli orkestrdiń mýzykalyq súıemeldeýimen Almaty óńirlik garnızonynyń áskerıleri saltanatqa qatysýshylar aldynan áskerı sappen ótti.

Sonymen qatar, Astana alańynda búgin merekelik konsert ótedi. Kesh 21:00-de merekelik otshashýmen aıaqtalady.

Qalanyń ár aýdanynda kórmeler, merekelik keshter, teatrlandyrylǵan qoıylymdar ótedi.

Bıyl qazaqstandyqtar 16,17,18,19 kúnderi demalatyn boldy.