Otandyq kásipker balalardy ımandylyqqa baýlıtyn qýyrshaq jasap shyǵardy, dep habarlaıdy Qamshy.kz aqparat agenttigi. Toǵyz aı buryn bul isti qolǵa alǵan Baǵdat Toqtarbekov kúnuzaq teledıdar men telefonǵa úńiletin búldirshinderge paıdaly dúnıe oılap tabýdy maqsat tutqan. Qýyrshaqtyń esimi – Fatıma.

Joba avtory qýyrshaqty shyǵarmaı turyp, onyń qandaı sózder aıtatynyn mamandarmen aqyldasqan. Almaty qalasy Din isteri jónindegi basqarmasy kásipkerdiń nıetin quptap, «sharıǵatqa qarama-qaıshylyq joq» degen sertıfıkat beripti.

- Maqsatym – balalardyń dinı saýatyn ashý. Ol maqsatymdy kishkentaı balalar qyzyǵyp oınaıtyn qýyrshaqtar arqyly júzege asyrmaqpyn. Ádette búldirshinder telefonmen oınap júrip, túrli ánderdi jattap alady. Sol sekildi qýyrshaqpen oınap júrip, ıman sharttaryn da jattap alsa degen nıet boldy. Dinı basqarmamen aqyldastym. Bárin zerttep, saralap, dinı basqarmanyń pátýasyn alyp, byltyr jasap shyǵardyq, - dedi Baǵdat Toqtarbekov Qamshy.kz tilshisine.

Qýyrshaqtar ne úıretedi?

Kásipkerdiń aıtýynsha, qýyrshaq eki túrli nusqada jasalǵan.

Birinshisi musylmandar bilýge tıis basty suraqtardyń jaýabyn úıretedi. Buǵan qosa, Alla Taǵalanyń 99 kórkem esimin jattatady.

Ekinshi nusqasy Quranan súreler oqıdy jáne Allaǵa madaq sózderdi aıtyp, maǵynasyn túsindiredi.

Arab tilinde onǵa deıin sanaıtyn taǵy bir nusqasy bar. Alaıda oǵan suranys az. Sol sebepti kóp shyǵarylmaıdy.

 

1.Qasıetti Qurannan Súreler úıretedi. 2.Musylmannyń basty suraqtarynyń jaýabyn úıretedi. 3.ALLAnyń 99 kórkem esimderin jattatady. 4. ALLAǵa madaq sózderdi úıretedi jáne olardyń maǵynasyn túsindiredi. 8 700 329 43 91- WhatsAap #úıretýshiqýyrshaqfatıma #úıretýshimusylmanqýyrshaq #musylmanqýyrshaq #musylmanbyz #kýkla #Fatıma #obýchaıýshaıakýklafatıma #namaznıkı #mechetı #meshit #8marta #8naýryz #syılyq #podarokdetám #podarokdochke #dochenka #lúbımaıa

A post shared by ÚIRETÝSHİ QÝYRSHAQ "FATIMA (@muslimdolls_kz) on Feb 14, 2018 at 6:31am PST

Qýyrshaqtardyń quny qansha?

Qýyrshaq Fatıma reseılik materıaldardan jasalǵan, al ústindegi kıimderi qazaqstandyq matadan tigiledi. Baǵdattyń sózinshe, qýyrshaqtyń sapasy jaqsy ári densaýlyqqa zalalsyz.

Al baǵasy matasyna qaraı baǵalanady eken. Máselen, túrli-tústi tastarmen kómkerilip, sándi kıingen qýyrshaqtyń baǵasy – 14 800 teńge. Bul qýyrshaqtar kóbine syılyq túrinde satylady. Uzyndyǵy – 43 sm. Al kıimi tastarsyz, qarapaıym bolsa, ondaı qýyrshaqtyń baǵasy – 10 800 nemese 11 800 teńge.

- Kıiminde aıyrmashylyq bolǵanymen, qýyrshaqtardyń aıtatyn, úıretetin dúnıesi bir, - deıdi kásipker.

Qýyrshaqtardy kóbinese namazhan azamattar satyp alatyny sózsiz. Alaıda, Baǵdattyń aıtýynsha, keıbir adamdar «ózim namaz oqymasam da, balam bilip qalsyn» degen oımen tapsyrys beredi eken.

- Úıińizde qasıetti Quran aıattary aıtylyp tursa, sizdiń otbasyńyzdan shaıtan irgesin aýlaq salady, - deıdi kásipker.

Baǵdat Toqtarbekovtiń endigi jospary – ul balalarǵa arnap batyr ispetti qýyrshaq jasap shyǵarý.