Shymkent qalasynda  kezekti ret ótkizilip jatqan  «Ónegeli bir saǵat»  is-sharacynda oblystyq din ister basqarmasynyń mamany Medet  Halyqov jastar tárbıesinde ulttyq biregeılikti saqtaý jáne qundylyqtardy nasıhattaý, ata-anamen bala qarym-qatynasyn nyǵaıtýǵa qatysty  oqýshylarǵa  dáris oqydy.

-Búgingi jastar burynǵylarmen salystyrǵanda ózgesheleý. Olardyń oı-órisi, talpynysy, saýyq-saıran qurýy, bylaı aıtqanda, adamı qundylyqtary bólekteý. Biraq jastarymyz jalpy adamzattyq máńgilik rýhanı-adamgershilik qundylyqtardyń da bar ekenin esten shyǵarmaýlary qajet. Onsyz tulǵa tolyqqandy qalyptasa almaıdy. Jeke adamnyń, onyń sanasy men tulǵasynyń qalyptasýyna áser etetin jaǵdaıattar mol. Aı­talyq, onyń ata-anasy, ómir súrip otyrǵan ortasy. Adam ba­lasy kún saıyn bir nársege kóńil bó­lip, oı túıedi, ómir boıy oqıdy. Alaıda, adam balasynyń tulǵalyq sıpaty jas kezinen bastap qalyptasady. Jas sábı tabıǵatynan taza, pák. Bul - adamnyń ómirden áli eshteńe kórmegen, kóńilge túımegen shaǵy. Álemdi endi-endi tanı bastaıdy. Mine, dál osy kezeńde ata-ananyń, sodan keıin bilim berý mekemelerindegi muǵalimderdiń balabaqshadan bastap, olar­dyń boıyna birte-birte rýhanı-adamgershilik qundylyqtardy sińirip, jaqsylyq pen jamandyqtyń arajigin ajyratýǵa úıretý - mańyzdy is-deıdi, Medet  Halyqov.

Mamannyń pikirinshe, otbasynda ata-ana ul-qyzdarynyń eldiń erteńine aınalatynyn, ulttyń bolashaǵyn aıqyndaıtyndyǵyn esine salyp otyrsa, olardyń boıynda  qoǵam aldyndaǵy jaýapkershilikti sezinýi arta tú­sedi. Adamdar neǵurlym adam­gershilik týyn bıik ustasa, rýhanı kemeldenip, bir-birine degen jaqyndyǵyn, baýyrmaldyǵyn tereńdetedi.

Jıynda  jastar tárbıesi, ásirese qylyqty qyz­dary­myzdyń, minezdi uldarymyzdyń  boıyndaǵy qalyptasqan qasıetti minez-qulyq máselesi de áńgime ózegine aınaldy. Osynaý minez-qulyqtyń  astarynda ult bolyp uıysýdyń, elin súıgen, jerin súıgen patrıotızm tulǵanyń qalyptasyp kele jatqany  ashyq aıtyldy.