Qazaqstandaǵy Ózbekstan Respýblıkasynyń Elshiligi men astanalyq «Altyn Orda» bıznes-klýby Aqtóbe apatynda mert bolǵan 52 ózbekstandyqtyń rýhyna baǵyshtap, 52 jemis aǵashyn otyrǵyzdy. Bul týraly Qazaqparat habarlady.

Shara aıasynda elordanyń jańa «Botanıkalyq baǵyna» 42 alma jáne 10 sheten aǵashy otyrǵyzyldy.

«Altyn Orda» bıznes-klýbynyń tóraǵasy marhabat Balǵabaıdyń aıtýynsha, aksıanyń Ramazan aıynda uıymdastyrylýy tegin emes. Ideıa negizinde ejelgi musylman dástúri – jarıa-sadaqa jatqan kórinedi.

«Kúzgi ýaqytta pisken jemisterdi halyq jınap alady, saýaby Aqtóbede mert bolǵan ózbekstandyq jolaýshylarǵa beriledi dep úmittenemiz», - dedi Marhabat Balǵabaı.

Aıta keteıik, bıyl qańtarda «Samara-SHymkent» avtojolynda avtobýs órtenip, 52 ózbekstandyq tirideı janyp ketken. Tiri qalǵan úsh júrgizýshi men eki jolaýshy sanavıasıamen oblys ortalyǵyna jetkizilip, oqıǵaǵa qatysty jaýap alyndy. Nátıjesinde avtobýs júrgizýshileri kúdikke ilinip, 24 naýryzǵa deıin qamaýǵa alynǵan. Keıin Aqtóbeniń №2 qalalyq soty sanksıa ýaqytyn taǵy bir aıǵa uzartty.