Jumys sapary barysynda Baýyrjan Baıbek qalanyń birqatar kóshelerin aralap kórdi jáne olardy abattandyrý jóninde naqtyly tapsyrmalar berdi.

Megapolıs basshysy Qaldaıaqov kóshesiniń shyǵysyna qaraı Gogol men Áıteke bı kóshesi arasyndaǵy trotýardy qalpyna keltirýdi tapsyrdy, munda nysannyń menshik ıeleri jaıaý júrginshilerge kedergi keltiretin kólik turaǵyn jasap alǵan.

Tıisti basqarmaǵa qoǵamdyq aımaqty kólik turaǵyna aınaldyrǵan Abdýllın men Gogol kósheleri buryshyndaǵy qurylysty salyp jatqandarǵa qatysty shara qoldaný tapsyryldy. Jaıaý júrginshilerge basymdyq bere otyryp atalǵan aımaqty kóriktendirý jumystaryn qurylys kompanıasy óziniń jeke qarjysy esebinen atqaratyn bolady.

Aǵymdaǵy jóndeý jumystary kezinde Gogol kóshesi boıymen Qaldaıaqov kóshesinen Ortalyq mádenıet jáne demalys parkine deıin abattandyrý júzege asyrylady. Sonymen qatar, júrginshi qozǵalysyn qıyndatatyn zańsyz qrlysytardyń barlyǵy alynady. Aıta keterligi, buryn Qaldaıaqov kóshesinen Jeltoqsan kóshesine deıingi ýchaske jóndelgen edi.

Bıylǵy jazda Almatyda 150-den astam kóshe, 30 km trotýar men 600 aýla qaıta jasalady. Jer asty ótpeli joldardyń barlyǵy kúrdeli jóndeledi, jańa fontandar salý josparlanǵan. Buryn qaıta jasalǵan Panfılov, Jibek Joly, Gogol, Qabanbaı batyr, Baıseıitova, Tólebaev kósheleri men «Astana» alańynan ózge qalanyń birqatar negizgi dańǵyldary jańarady.