Almaty ákimi Baýyrjan Baıbek jumys sapary kezinde Tóle bı kóshesi boıymen júrip ótip, «Saıran» avtovokzalyn rekonstrýksıalaý men «Tastaq» bazaryn qaıta jasaýdyń barysyn tekserdi.

«Saıran» avtovokzalynyń menshik ıesi qala basshysyna nysan aınalasyn odan ári damytýdyń aldyn - ala jasalǵan konsepsıasyn kórsetti. Avtovokzaldyń kólik logıstıkasyn túgel jańartý jáne vokzal janyn fontan, kafe, jasyl jelekter jáne balalar aalńy arqyly abattandyrý josparlanǵan.

Megapolıs basshysy avtovokzal mańy kópishilikti ózine tartatyn shaǵyn aýdan bolýy tıis ekendigin atap ótti. Munda qazirdiń ózinde zańsyz salynǵan qurylystar alynyp, nysan syrty jańarýda.

«Saırandy» tez arada qaıta jasap, onyń aınalasyn abattandyrý qajet. Avtovokzal jolaýshylary ǵana emes, sonymen qatar jaqyn mańdaǵy úılerdiń turǵyndary bizdiń bul jerdi qashan retke keltiretinimizdi asyǵa kútýde», - dedi Baýyrjan Baıbek.

Jumys sapary kezinde qala ákimi Tóle bı kóshesi boıymen júrip ótip, «Tastaq» ýnıversaldy bazaryn qaıta jańartý barysyn qarap shyqty.

Saýdany zamanaýı formatqa kóshirý maqsatynda bazar ıeleri 450 mln. teńge ınvestısıa bólgen. Eki qabatty, jalpy alańy 4,2 myń ashrshy metr bolatyn nysan salyndy, shilde aıynda oǵan kásipkerlerdiń basym kópshiligi kóshiriledi. Osydan keıin bazardyń ekinshi kezegi rekonstrýksıalanady.

Dál osy kúni Baýyrjan Baıbek Abaı dańǵyly boıynda salynyp jatqan «Almatybasjospar» nysanynyń qurylysymen jáne Respýblıka alańyn rekonstrýksıalaýmen tanysty.

Aıta keterligi, Almatyda bıylǵy jazda buryn qaıta jasalǵan Panfılov, Jibek Joly, Gogol, Qabanbaı batyr, Baıseıitova, Tólebaev kósheleri men «Astana» alańynan ózge qalanyń birqatar negizgi dańǵyldary jańarady. Megapolıstiń barlyq aýdandarynda 150-den astam kósheni jóndeý men 600 aýlany qaıta jasaý josparlanǵan.