Almaty qalasynda, mamyr aıynyń 22-24 juldyzdarynda "The Ritz Carlton" qonaq úıinde XV Eýrazıalyq Medıa forýmy ótti. Forýmnyń taqyryby: "Evolúsıanyń 15 jyly: qubylmaly dúnıe jáne bizge ózgeris ákelgen álem".
Forýmnyń ashylý rásimin "RizKhan Productions" kompanıasynyń basshysy, BAÁ, prodúser Rız Han myrza júrgizdi. Eýrazıalyq medıa forým jumysyna qatysqan Almaty ákimi Baýyrjan Baıbek sóz sóıledi, dep habarlaıdy Qamshy.kz tilshisi.
Almaty qalasynyń ákimi Baýyrjan Baıbek alyp óz quttyqtaýynda álemdegi keıbir máselelerdiń týyndaýyna feık jańalyqtardyń áseri mol ekenin aıta kelip, osy bir túıitkildi qubylystyń aldyn-alý qajet ekenin eskertti. Qala basshysy forýmnyń Shyǵys pen batysty ortaq suhbatqa shaqyratyn, asa mańyzdy zamanaýı aqparat keńistigi týraly máseleler talqylanatyn alańǵa aınalǵanyn tilge tıek etti.
«Mereıtoılyq forýmnyń Almatyda ótip jatqany biz úshin úlken mártebe. Forým kúntizbesinde ǵalamdyq damýdyń ózekti máselelerin belgili jýrnalıser, sarapshylar, saıasatkerler talqylap jatyr», - dedi Baýyrjan Baıbek.
Qala ákimi Almaty qalasynyń Táýelsizdiktiń altyn besigi ekendigin ári qalanyń ekonomıkkalyq áleýmettik damý kórsetkishterin aıtyp ótti.
Onyń aıtýynsha, bıylǵy forým zamanaýı órkenıettiń ózgerýi aıasynda ótip jatyr.
«Bizdiń kóz aldymyzda geosaıası, ekonomıkalyq ózgerister bolyp jatyr. Osy oraıda, syn qaýip-qaterlerdi aldyn alý álemdik BAQ-tyń búgingi kelbetine baılanysty. Jalǵan aqparattar shynaıylyq pen jaýapkershilik qaǵıdalaryn buzýda. BAQ tek qana qoǵamdyq pikir ǵana týǵyzbaýy kerek, ol sonymen qatar adamdardyń biregeıligine, qoǵamdyq qundylyqtaryna yqpal etýi qajet», - dedi Baýyrjan Baıbek.
Aıta ketý kerek, Almatyda XV Eýrazıalyq medıa forým óz esigin ashty. Ortalyq Azıadaǵy táýelsiz dıalog alańy atalǵan Eýrazıa medıa forýmyna 60-tan astam elden 500 deleget qatysýda. Alqaly jıynda sarapshylar men saıasatkerler, ekonomıser men qoǵamdyq pikir ıeleriniń qatysýymen Qazaqstannyń, Eýrazıanyń, jalpy álemdik qaýymdastyqtyń ekonomıkalyq, geosaıası, áleýmettik mádenı máselelerin talqylaý. Forýmnyń alǵashqy kúni sheberlik dáristeri bastaldy.
Árkim uıaly telefony arqyly búkil álemge habar taratyp, medıa salasynyń belgili ókiline aınalyp ketýi ǵajap emes. Forýmnyń úsh kúndik talqylaýyn qorytyndylaı kele, aqparat aǵymy damyǵan zamanda qarapaıym jurtshylyqtyń aqıqat pen jalǵandy aıyryp, ózine qajetti taza aqparatty tabýy úshin, mádenıetin kóterýimiz qajet degen baılamǵa keldi.
Forýmnyń sońynda qatysqan, ótýine at salysqan barsha jandarǵa estelik syı taratylyp, qyzyqty sýretterge tústi. Forýmdaǵy aqparattar kóptiń kókeıine suraqtar uıalatyp, kópshiligine medıa salasynda sapaly dúnıe jasaýǵa úmit syılady.
Álemdegi ár túrli máselelerdi sheshýge kelgende árkimniń pikirine ilespeı, ózińniń ishki sybyryńa úńilýiń qajet. Ol ishki tazalyqqa baılanysty kórinis beredi. Árbir aqparattyń bastaý qaınarynda tazalyq turatyn bolsa, álem de óz nuryna, bastaý núktesine qaıta oralatyny anyq. Ár ulttan, álemniń túkpir-túkpirinen kelgen medıa salasynyń úzdikteri bir úıdiń balasyndaı bolyp forýmdy ótkizdik. Forým sońynda ár adammen jeke-jeke estelik fotosýretter jasap, pikirtalasyp, syrlasyp, oılaryn ortaǵa salyp, bolashaqta jaqyn dostar retinde aralasýǵa ýáde berip tarady.
