QR Aqparat jáne komýnıkasıalar mınıstri Dáýren Abaevtyń qatysýymen XV Eýrazıalyq medıaforým bastaldy.
Forýmnyń ashylýynda Dáýren Abaev Memleket basshysy Nursultan Nazarbaevtyń quttyqtaý hatyn oqyp berdi.
«Búgingi forým medıa salasyndaǵy bilikti maıtalmandardyń ózara dıalog júrgizýine múmkindik beretin mańyzdy shara. Álem qubylyp, geosaıası qaıshylyqtar men jańa tehnologıalyq múmkindikter shıelenisken qazirgi jaǵdaıda buqaralyq aqparat quraldary qaqtyǵystar eskalasıasynyń detonatory, sondaı-aq halyqaralyq shıelenisterdi tejeý men aldyn alýdyń jahandyq faktory bola alady. Osy jerde jýrnalıserdiń jaýapkershiligi shyǵady. Klasıkalyq jýrnalısıkaǵa basty syn-qater retinde balama aqparat kózderi - blogerler men áleýmettik jelini aıtýǵa bolady. Bul rette, dástúrli BAQ-tyń básekege qabilettiligi árdaıym jýrnalısiń kásibıligi men sapaly kontent bolyp keledi. Osy maqsatta osyndaı dıalog alańdaryn qurýdyń ózektiligi arta túsedi», - delingen Prezıdenttiń quttyqtaýynda.
Aıta ketý kerek, búgin Almatyda Eýrazıalyq medıa forým bastaldy.
Forým alǵash ret ótkizilgen ýaqyttan bastap 15 jylda Qazaqstanǵa 6 myńnan astam sheteldik delegat kelgen.
Konferensıanyń aýqymy men halyqaralyq deńgeıi elimizdiń ǵalamdyq aqparat keńistiginiń ajyramas bóligi ekenin bildiredi.
