QR qorǵanys jáne aeroǵarysh óndirisi mınıstri Beıbit Atamqulov Baıqońyr ǵarysh aılaǵy «azamattyq bolýy múmkin» degen aqparatqa jaýap berdi.

«Iá, Baıqońyrdan Reseı áskerin túgel shyǵarý máselesiniń talqylanyp jatqany ras. Alaıda ekijaqty kelisim áli bolǵan joq, tek osy baǵyttaǵy jumys jalǵasyp jatyr», - dedi mınıstr májilis parlamentiniń úzilisinde.

Sonymen qatar, Atamqulov mundaı sheshimniń Qazaqstan úshin tıimdi ekenin de aıtty. Máselen Reseı sarbazdary Baıqońyrdan keter bolsa, onda ǵarysh aılaǵynan mol tabys tabýǵa bolady eken. Sebebi búginde jer serikterin ushyra almaı jatqan myńdaǵan kompanıalar bar.

Osylaısha, 2018 jyl Baıqońyr tarıhyndaǵy áskerı paraqtyń jabylyp, onyń basqasha qyrynan damýyna ákeletin tabysty jyl bolmaq dep boljaıdy mınıstr.