AQSH Qytaı azamattaryna arnalǵan vızalyq rejimniń talaptaryn kúsheıtti. AQSH tarapy qytaılyqtarǵa bergen vızanyń jaramdylyǵyn kez kelgen ýaqytta shekteýge quqyly. Bul úrdis 11 maýsymnan bastap kúshine enbek.
«11 maýsymnan bastap vızaǵa ótinish bergen qytaılyqtarǵa qatysty qaýipsizdikti kúsheıtý sharalaryn engizemiz. Qytaı azamattaryna berilgen vızalar eń uzaq merzimge berilgen. Konsýldyq qyzmet kez kelgen jaǵdaıǵa baılanysty vızanyń ýaqytyn shekteı alady», - dedi memlekettik departament ókili.
Agenttiktiń deregine súıensek, bul shara ulttyq qaýipsizdik strategıasyn júzege asyrý aıasynda atqarylyp jatyr. Al vızany berý prosedýrasy ózgergen joq.
Mamyrdyń ortasynda Vashıngtonda AQSH jáne Qytaı saýda delegasıalarynyń arasynda konsýltasıa ótken. Taraptar zıatkerlik menshikti qorǵaýǵa úlken mán berdi. Qytaı tarapy da óz zańnamalaryna tıisti ózgeristerdi engizýdi josparlap otyr.
