Búgin Memleket basshysy Nursultan Nazarbaev 78 jasqa toldy. Osyǵan oraı Qamshy.kz aqparat agenttigi Elbasynyń ár jyldary aıtqan naqyl sózderine bir sholý jasaǵandy jón kórdi.
Nazarbaev saıasat jaıly:
Saıasat bezbenshesi – el.
Saıasattyń negizgi maqsaty – adam, qoǵam, el qamy.
Nazarbaev qazaq ulty, halyq jaıly:
Qazaq dalasy – Uly Túrki eliniń qara shańyraǵy.
Ulty óziniń memleketinsiz – ult bolyp ómir súre almaq emes.
Bizdiń tolerantty da isker halqymyz jyldan-jylǵa álemge óziniń oń tabystaryn, óziniń alǵa úzdiksiz ilgerileýin pash etti. Jáne de aıryqsha qazaqstandyq artyqshylyǵymyz mynada boldy, biz revolúsıalyq dilmarsýǵa urynbadyq.
Bizdiń halqymyz úshin turaqtylyq, kelisim, teńquqylyq basty qundylyqtar ekenin árdaıym ustaý kerek.
Nursultan Nazarbaev Otan jaıly:
Otbasynda adam boıyndaǵy asyl qasıetter jarqyraı kórinip, qalyptasady. Otanǵa degen ystyq sezim – jaqyndaryna, týǵan-týysqandaryna degen súıispenshilikten bastalady.
Nazarbaev patrıottyq sezim jaıly:
Erkin elde ósken urpaqtyń rýhy árdaıym bıik bolýy tıis. Jastary jalyn júrekti, órshil namysty, bıik rýhty bolsa – ol eldiń eńsesi de bıik bolady. Órshil, namysshyl jas otanshyl, patrıot keledi, halqyna, óz ultyna adal qyzmet etýge umtylady.
Naǵyz patrıot - óz elin maqtaıtyn emes, naǵyz patrıot kemshilikterdi baıqap, olardy túzeýge yqpaldasatyndar.
Nazarbaev til jaıly:
Keshe bolmaǵannyń búgin bolýy múmkin, búgin bolmaǵannyń erteń bolýy múmkin, biraq ana tiline mán bermeýshiliktiń, ony qurmettemeýdiń orny tolmas olqylyqtarǵa soqtyratyny sózsiz.
Álem ádebıetindegi áıgili júz kitapty emin-erkin bar boıaýymen tógiltip túsiretin til – qýatty til, qazaq tili – sondaı til.
Qazaqstannyń bolashaǵy – qazaq tilinde.
Elbasy bilim jaıly:
Bilimdi damyta almaıtyn eldiń bolashaǵy joq.
Bilim — kitapta. Qazirgi tańda balalardyń kóbisi kompúterde otyrady. Sondyqtan, bolashaqta kitap oqyǵandar kompúterde otyrǵandardy basqarady.
Elbasy qoǵam, adam, ómir jaıly:
Adamdarǵa aqyl-parasat óz ómirin jaqsartý úshin berilgen.
Qazir - yntymaqtasý men iskerlik kezeńi. Qazir adamdardyń ómirin jaqsartýǵa baǵyttalǵan shaǵyn qadamdyń ózi shalqyǵan dańǵaza uranshyldyq pen údere úndeýshilikten áldeqaıda mańyzdy.
Eń senimdi valúta - adamnyń eńbegi, muny este saqtaý kerek.
Búgingi kúndi túsinip-túısiný úshin de, bolashaqtyń dıdaryn kózge elestetý úshin de keshegi kezeńge kóz jiberýimiz kerek.
Ýaqytty tańdamaıdy - onda ómir súredi.
Jahandyq álem óńirler boıynsha birigýde – bul qazirgi dúnıede aman bolýdyń sharty da. Biz ozyq boldyq, biz muny belsendi túrde júzege asyrdyq, biz sóıtip tabysqa qol jetkizdik.
Elbasy táýelsizdik jaıly:
Búgingi óz keleshegine bet alǵan táýelsiz Qazaqstan – bul bizdiń ortaq jetistigimiz, bul bizdiń ortaq maqtanyshymyz! Óz sózimdi aıaqtaı kele, men búkil kópultty Qazaqstan halqyna otansúıgishtigi men el ıgiligi jáne elimizdiń Táýelsizdigi jolyndaǵy jasampazdyq eńbegi úshin alǵysymdy aıtqym keledi.
Qazaqstannyń egemen, táýelsiz memleket retinde ornyqqany aıqyn bolyp otyr. Biz álemdik qaýymdastyqqa abyroıly kirigip, óz aınalamyzda qolaıly halyqaralyq ahýal qalyptastyra aldyq, álemniń jetekshi elderimen saıası, ekonomıkalyq jáne mádenı salalarda yntymaqtastyqty jolǵa qoıa bildik.40 jyly 6 shildede Almaty oblysynyń Qarasaı aýdanyna qarasty Shamalǵan aýylynda Ábish pen Áljannyń otbasysynda dúnıege kelgen.
…bizdiń jeke shańyraq kótergennen keıingi jankeshti eńbegimizdiń, tolaǵaı tabysymyzdyń eń tolymdysy ári baǵa jetpes qundylyǵy, el egemendigin baıandy etýdiń berik qamaly, Táýelsizdik júregine qan júgirtken sarqylmas qýat kózi.
Qıyndyq ataýlyny jeńetin bir-aq kúsh bar, ol – birlik. Elińdi, jerińdi qorǵaý úshin birlik qanshalyqty qajet bolsa, Táýelsizdik jemisterin, búgingi qol jetken tabystarymyzdy saqtap qalý úshin de ol sondaı qajet.
Elbasy mahabbat jaıly:
Mahabbat degen elińe, mahabbat degen jerińe, januıańa, balańa, áke-shesheńe. Mahabbat degen - úlken nárse. Mahabbat degen Otan degen sóz. Mahabbat degen úı degen sóz. Mahabbat degen ǵashyǵyń degen sóz. Sol mahabbat barlyqtaryńnyń júrekterińde ár ýaqytta sónbesin. Ony júrekterińizde ustańyzdar.
Jas jubaılar úılengen toıynan keıin kóldiń jaǵasynda turýǵa keledi jáne qarama-qarsy jaǵalaýda qonystanýdy jón kóredi. Jas kelinshek: «Elestetip kórshi, saıabaqta serýendep júrip, kezdesip qalamyz jáne seni bir shynaıaq sháı ishýge shaqyra alamyn. Eger sen ony qalamasań - óz erkiń. Qaıyqta júzip kele jatyp, qaıyǵymyz túıisip qalady jáne qonaqqa barý úshin jaǵalaýlardyń birine aıaldaımyz. Osylaısha, biz bir-birimizge degen yntyzarlyqty saqtaı alamyz». Eri oılana kele, bul usynysqa kelisim bermeıdi. Jyldar ótip, mahabbattyń yntyzarlyǵy báseńdedi. Óıtkeni ol tańdaý jasaǵanda qatelesti
Sırek jolyqqan saıyn, mahabbatymyz saqtala túsedi
Prezıdent din jaıly:
Eger jastarymyz halqymyzǵa jat ýaǵyzdarǵa erse, memleketimizdiń bolashaǵy ne bolmaq? Biz buǵan jol bermeımiz. Táýelsiz Qazaqstannyń bolashaǵy jarqyn, ultymyz tatý bolyp, elimiz zaıyrly memleket retinde odan ári damýǵa tıis. Biz ózimizdiń ıgi maqsatymyzǵa qarsy shyqqandarǵa kóne almaımyz. Bul – memlekettik apparattyń ǵana emes, barsha Qazaqstan halqynyń, onyń bolashaǵynyń múddesi.
Naǵyz musylmandy kıgen kıiminen emes, ishki ımanynan tanıdy. Kimniń júreginde súıispenshilik bolsa, sonyń ımany bar. Biz órkenıetti álemge qaraı qadam basyp, ǵylym men bilim esigin ashýymyz qajet. XVIII-XIX ǵasyrlarǵa deıin musylman dúnıesi búkil álemde kóshbasshy boldy. Ol ǵylymnyń qaınar kózi, fılosoftardyń, dárigerler men jazýshylardyń otany boldy. Qazir biz bul jaǵynan kóshbasshylyq ornymyzdan aıyrylyp qaldyq.
Dindi jaratýshy bir, biraq dinniń joldary bólek.
