EO málimdemesinde 28–29 maýsymda ótken Eýropalyq keńeste Mınsk kelisiminiń oryndalýy jaǵdaıyn talqylaǵannan keıin, Fransıa prezıdenti Emmanýel Makron men Germanıa kansleri Angela Merkel sanksıany uzartý jóninde keliskeni aıtylǵan. Keńes bul sheshimdi biraýyzdan qabyldaǵan.
Bul sanksıalar Reseıdiń qarjylyq, energetıkalyq jáne qorǵanys salalaryna qatysty. Bul tyıymdar Reseıdiń Ýkraınany turaqsyzdandyrýyna narazylyq retinde, alǵash ret 2014 jyldyń 31 shildesinde engizilgen.
Bul ekonomıkalyq saknsıalar arqyly Reseıge EO-nyń birinshi jáne ekinshi deńgeıdegi naryǵyna kirýine, qarý-jaraq taýary eksporty men ımportyna tyıym salynǵan. Sonymen birge munaı barlaýy men óndirýge arnalǵan qyzmetter men tehnologıalardy paıdalanýǵa shekteý qoıylǵan.
